| fpm: បក្សសម រង្ស៊ី និង បក្សសិទ្ធិមនុស្សផ្ដើមបង្ហាញសម្លេងតែមួយទៅកាន់អ្នកគាំទ្រ |
 |
 |
 |
| ថ្ងៃច័ន្ទ ទី30 កក្កដា ឆ្នាំ2012 ម៉ោង03:05 |
|
លោក កឹម សុខា និង លោក សម រង្ស៊ី ពេលជួបគ្នា ក្នុងទីក្រុង ម៉ានីល ប្រទេស ហ្វីលីពីន ដូចការគ្រោងទុកនាព្រឹកថ្ងៃច័ន្ទទី ៣០ កក្កដា នេះ គណបក្សប្រឆាំងពីររបស់ប្រទេសកម្ពុជា ផ្ដើមបង្ហាញសម្លេងតែមួយទៅកាន់ក្រុមអ្នកគាំទ្ររបស់ខ្លួន នោះគឺ សម្លេងចលនាប្រជាធិបតេយ្យសង្គ្រោះជាតិកម្ពុជា ដែលជាជំហានដំបូងឆ្ពោះទៅរកការបង្រួបបង្រួមគណបក្សប្រឆាំងទាំងពីរឲ្យទៅជាគណបក្សប្រឆាំងតែមួយ សម្រាប់ការបោះឆ្នោតជាតិ ឆ្នាំ២០១៣ខាងមុខ ។ ពិធីដែលមានការចូលរួមពីសមាជិក -សមាជិកការ បក្សសមរង្ស៊ី និង បក្សសិទ្ធិមនុស្សពីគ្រប់ទិសទីទូទាំងប្រទេសនេះ ផ្ដើមនៅទីស្នាក់ការកណ្ដាលរបស់គណបក្សសិទ្ធិមនុស្ស ក្នុងទីក្រុងភ្នំពេញ។ នៅប្រទេសកម្ពុជាលោក កឹម សុខា ប្រធានគណបក្សសិទ្ធិមនុស្សជាអ្នកថ្លែងទៅកាន់អ្នកចូលរួមដើម្បីបញ្ជាក់ពីស្មារតី នៃការបង្រួបបង្រួម គណបក្សទាំងពីរ , ចំណែកលោក សម រង្ស៊ី ថ្លែងបញ្ជាក់បន្ថែមពីក្រៅប្រទេសតាមរយៈប្រព័ន្ធ វីដេអូខន់ហ្វ័រិន ក្នុងគោលដៅធ្វើយ៉ាងណាឲ្យមានការយល់គ្នា មូរមាត់គ្នាតែមួយពីថ្នាក់លើដល់ថ្នាក់មូលដ្ឋាន របស់គណបក្សទាំងពីរ ។ គួរបញ្ជាក់ថា ការបង្រួបង្រួមរបស់គណបក្សទាំងពីរដោយផ្ដើមពីចលនា ប្រជាធិបតេយ្យ សង្គ្រោះជាតិកម្ពុជា ប្រារព្ធធ្វើនៅទីក្រុង ម៉ានីល ប្រទេស ហ្វីលីពីន កាលពីថ្ងៃទី១៧ កក្កដា ដោយកិច្ចប្រជុំបានសម្រេសឲ្យលោក សម រង្ស៊ី ធ្វើជាប្រធាន រីឯ លោក កឹម សុខា ជាអនុប្រធាន ៕ http://www.fpmonline.net/article/20993 ច័ន្ទ 30 កក្តដា 2012 - 9:42 am  |
