លោក កឹម សុខា អនុប្រធានគណបក្សសង្រ្គោះជាតិ បានលើកឡើងថា ប្រទេសកម្ពុជាសព្វថ្ងៃនេះ កំពុងស្ថិតនៅក្នុងស្ថានភាពនយោបាយមួយ ដែលជាគ្រោះថ្នាក់ដល់លទ្ធិប្រជាធិបតេយ្យ ដរាបណាអ្នកនយោបាយខ្មែរមិនរិះរកមធ្យោបាយស្មោះត្រង់ណាមួយ ដើម្បីដោះស្រាយបញ្ហាទេនោះ។ ជាមួយគ្នានេះ លោក បានអំពាវនាវឱ្យអ្នកនយោបាយបញ្ឈប់នូវវប្បធម៌កម្ចាត់គ្នា ហើយប្រកួតប្រជែងគ្នាដោយសេចក្តីថ្លៃថ្នូរ ។នៅលើបណ្តាញសង្គម Facebook កាលពីយប់មិញនេះ លោក កឹម សុខា បានសរសេរថា «ខ្ញុំយល់ឃើញថា ល្មមដល់ពេល ដែលយើងទទួលស្គាល់នូវ តំលៃគ្នាទៅវិញទៅមក បញ្ឈប់ការកម្ចាត់គ្នាបែបជាសត្រូវ តែសូមប្រកួតដោយថ្លៃថ្នូរដើម្បីឲ្យជាតិ និងពលរដ្ឋរស់ទាំងអស់គ្នាវិញ»។