Cambodian Voter's Voice

គណបក្សសង្គ្រោះជាតិជំរុញឲ្យបង្កើតស្ថាប័នសិទ្ធិមនុស្សឯករាជ្យនៅកម្ពុជា

2015-12-11 08:55:00 4702 Views

គណបក្ស សង្គ្រោះជាតិជំរុញឲ្យរដ្ឋាភិបាលដែលដឹកនាំដោយគណបក្សប្រជាជនកម្ពុជាបង្កើតឲ្យមានស្ថាប័នសិទ្ធិមនុស្សជាតិឯករាជ្យមួយ សម្រាប់ជួយដោះស្រាយបញ្ហាសិទ្ធិមនុស្សនៅកម្ពុជាដែលគណបក្សនេះអះអាងថាច្បាប់ស្តី ពីសិទ្ធិមនុស្សរបស់កម្ពុជាមានតែខ្វះការអនុវត្ត។លោក កឹម សុខា ថ្លែងទៅកាន់ប្រជាពលរដ្ឋ សកម្មជន និងថ្នាក់ដឹកនាំគណបក្សសង្គ្រោះជាតិប្រមាណជា៣០០នាក់ក្នុងពិធីប្ររព្ធខួបសិទ្ធិមនុស្សទី៦៧កាលពីថ្ងៃទី១០ ម្សិលមិញនេះ នៅស្នាក់ការរបស់ខ្លួនថាសព្វ ថ្ងៃគណៈកម្មាធិការសិទ្ធិមនុស្សរបស់កម្ពុជាមានចំនួនបី។ លោកថាគណៈកម្មាធិការសិទ្ធិមនុស្សព្រឹទ្ធសភា គណៈកម្មាធិការសិទ្ធិមនុស្សរដ្ឋសភា និងគណៈកម្មាធិការសិទ្ធិមនុស្សរដ្ឋាភិបាល។ លោកថាកម្ពុជាគួរតែមានគណៈកម្មាធិការសិទ្ធិមនុស្សជាតិតែមួយនិងឯករាជ្យ។លោកឲ្យដឹងដែរថាកម្ពុជាមានលិខិតតូបករណ៍ ស្តីពីសិទ្ធិមនុស្សគ្រប់គ្រាន់តែលោកថាអ្វីដែលកម្ពុជានៅខ្វះខាត គឺការអនុវត្តឲ្យមានប្រសិទ្ធិភាពប៉ុណ្ណោះ។

លទ្ធផលនេះបានពីអ្នកសង្កេតការណ៍ដែលចម្លងចេញ ឬថតពីកំណត់ហេតុលទ្ធផលឆ្នោត ទ.១១០២