ព្រឹកថ្ងៃទី ១៣ មករា ២០១៦នេះ លោក សួន សេរីរដ្ឋា ប្រធានគណបក្សអំណាចខ្មែរ បានទៅតុលាការ ក្រុងភ្នំពេញ ដើម្បីបំភ្លឺបន្ថែមនូវករណីដែលលោក បានប្តឹងលោក ហោ ណាំហុង ពីបទបរិហារកេរ្តិ៍ និងញុះញុងឲ្យមានការរើសអើង លើគណបក្សអំណាចខ្មែរ។ ការចូលបំភ្លឺរបស់លោក សួន សេរីរដ្ឋា នៅអយ្យការអមសាលាដំបូង រាជធានីភ្នំពេញនេះ ដើម្បីសាកសួរពីដំណើររឿងបណ្តឹងរបស់ខ្លួន។សូមជម្រាប់ថា លោក សួន សេរីរដ្ឋា បានដាក់ពាក្យប្តឹងលោក ហោ ណាំហុង រដ្ឋមន្ត្រីក្រសួងការបរទេស ពីបទបរិហាកេរ្តិ៍ ដោយចោទ លោក ហោ ណាំហុង ថាបាននិយាយថា សមាជិករបស់គណបក្សអំណាចខ្មែរធ្លាប់ធ្វើភេរវកម្ម ដែលជារឿងប៉ះពាល់ដល់ កិត្តិយសរបស់ គណបក្សអំណាចខ្មែរ។