លោក កឹម សុខា ថ្លែងប្រាប់សកម្មជនអ្នកគាំទ្រគណបក្សនៅខេត្តកំពង់ចាម ថាកុំទុកចិត្តពេកលើគណៈកម្មាធិការជាតិរៀបចំការបោះឆ្នោត (គ.ជ.ប)។ ប្រធានស្ដីទីគណបក្សសង្គ្រោះជាតិ លោក កឹម សុខា ថ្លែងបែបនេះ ក្នុងវេទិកាជួបជាមួយថ្នាក់ដឹកនាំមូលដ្ឋាន សកម្មជន ចលនាយុវជន និងចលនាស្ត្រីគណបក្ស ស្ថិតនៅភូមិត្រកួន ឃុំអង្គួញដី ស្រុកកំពង់សៀមខេត្តកំពង់ចាមនៅថ្ងៃអាទិត្យទី១៧ខែមករា។ កាលពីថ្ងៃទី១៥ មករា គណបក្សសង្គ្រោះជាតិ បានចេញសេចក្ដីថ្លែងការណ៍បង្ហាញការសោកស្ដាយ និងខកចិត្ត នៅពេលដែល គ.ជ.ប នៅតែបន្តផ្ដល់តួនាទីជាអគ្គលេខាធិការដល់លោក ទេព នីថា ដដែល។