ព្រះអង្គម្ចាស់នរោត្តម រណឫទ្ធិ បានព្រមានថា នឹងរាយការណ៍ទៅនាយករដ្ឋមន្ត្រី ប្រសិនបើសមាជិកបក្សហ៊្វុនស៊ិនប៉ិចដែលមានតួនាទី និងទទួលបានប្រាក់ខែពីរដ្ឋាភិបាលមិនបានជួយបង់ប្រាក់ចូលគណបក្សទេនោះ។ការថ្លែងដូច្នេះធ្វើឡើងក្នុងពេលដែលប្រធានគណបក្ស ហ៊្វុនស៊ិនប៉ិច ប្រគល់ត្រាគណបក្សដល់គណៈកម្មាធិការប្រតិបត្តិមកពីទូទាំងប្រទេសកាលពីថ្ងៃទី ១៦ ខែមករានៅ កោះពេជ្រ រាជធានីភ្នំពេញ ដែលការលើកឡើងនោះធ្វើឲ្យមានចម្ងល់ថាហេតុអ្វីបានជាគណបក្សហ៊្វុនស៊ិនប៉ិចក៏ដូចជា សម្តេចក្រុមព្រះត្រូវរាយការណ៍ទៅលោកនាយករដ្ឋមន្ត្រី ហ៊ុន សែន ចំពោះបញ្ហាផ្ទៃក្នុងរបស់គណបក្សនេះទៅវិញ។