Cambodian Voter's Voice

ក្រសួងមហាផ្ទៃសម្រេចទទួលស្គាល់គណបក្សយុវជនកម្ពុជាជាផ្លូវការ

2016-02-16 16:25:00 4655 Views

គណបក្សយុវជនកម្ពុជា ដែលជាគណបក្សនយោបាយថ្មី ត្រូវបានក្រសួងមហាផ្ទៃ សម្រេចចុះក្នុងបញ្ជីគណបក្សនយោបាយរួចរាល់ហើយ។ នេះបើតាម សេចក្តីសម្រេចចុះថ្ងៃទី១៥កុម្ភៈ។កន្លងមក បើតាមការបញ្ជាក់ពីលោកពេជ្រ ស្រស់ ប្រធានគណបក្សយុវជនកម្ពុជា បានអះអាងថា គណបក្សរបស់លោក មានគោលនយោបាយចំនួន៥ រួមមាន ៖ ទី១ ពង្រឹងវិស័យអប់រំ និង សុខាភិបាល ឲ្យល្អប្រសើរ។ ទី២ លើកកម្ពស់យុវជនគ្រប់កិច្ចការងារក្នុងសង្គមជាតិ ព្រមទាំងធនាឲ្យយុវជន មានការងារធ្វើដែលទួល បានប្រាក់បៀវត្សតាមសមត្ថភាព និងអត្រាបៀវត្សតាមទីផ្សារ ចំពោះយុវជនក្រីក្រមានបំណង បន្តការសិក្សានៅមហាវិទ្យាល័យ។ ជាងនេះទៀត នៅពេលគណបក្សយុវជន ដឹកនាំរាជរដ្ឋាភិបាល នឹងផ្តល់ប្រាក់ កម្ចីដោយមិនយកប្រាក់ការ។ ទី៣ ស្វែងរកទីផ្សារការងារ និងកំណត់តម្លៃទីផ្សារ លក់ចេញ នៃផលិតផលសិកម្មជូនកសិករតាម តម្លៃទីផ្សារក្នុងតំបន់។ ទី៤ ប្រជាពលរដ្ឋ មានអាយុចាប់ ពី២៥-៤៥ ឆ្នាំ គ្មានការងារធ្វើក្នុងរយៈពេល៣ខែ រាជរដ្ឋាភិបាលដឹកនាំដោយគណបក្ស យុវជនកម្ពុជា នឹងផ្តល់ប្រាក់សង្គ្រោះជាតិបឋមចំនួន១៦០.០០០រៀល ក្នុងខែ និងទី៥ រៀបចំជីវភាពរបស់ប្រជាពលរដ្ឋឲ្យមាននិយាមសមរម្យ ក្នុងសង្គមប្រចាំថ្ងៃ៕

លទ្ធផលនេះបានពីអ្នកសង្កេតការណ៍ដែលចម្លងចេញ ឬថតពីកំណត់ហេតុលទ្ធផលឆ្នោត ទ.១១០២