Cambodian Voter's Voice

ក្រសួងបរិស្ថានគ្រោងដាក់ព្រៃឡង់៣០ម៉ឺនហិកតាជាតំបន់អភិរក្ស

2016-04-19 09:40:00 4737 Views

រដ្ឋមន្ត្រីក្រសួងបរិស្ថាន រដ្ឋលេខាធិការក្រសួងមហាផ្ទៃ និងអគ្គនាយករដ្ឋបាលព្រៃឈើនៃក្រសួងកសិកម្ម រុក្ខា ប្រមាញ់ និងនេសាទ នៅព្រឹកថ្ងៃទី ១៨មេសា បានអមដំណើរលោកឯកអគ្គរដ្ឋទូតអាមេរិកប្រចាំកម្ពុជា William A.Heidt ដើម្បីជិះឧទ្ធម្ភាគចក្រទស្សនាតំបន់ព្រៃឡង់ នៅក្នុងខេត្តចំនួន ៤រួមមានកំពង់ធំ ព្រះវិហារ ស្ទឹងត្រែង និងក្រចេះ។
ក្រោយបញ្ចប់ការទស្សនានោះ លោកសាយ សំអាល់ រដ្ឋមន្ត្រីក្រសួងបរិស្ថាន បានបញ្ជាក់ថា នេះគឺជាការបើកទំព័រសករាជមួយ រវាងរដ្ឋាភិបាលកម្ពុជា និងដៃគូអភិវឌ្ឍ ដើម្បីទៅទស្សនាព្រៃឡង់ពីលើអាកាសរួមគ្នា។ លោកសាយ សំអាល់ បានបន្ថែមថា ក្រសួងបរិស្ថាននឹងសម្រេចដាក់ព្រៃឡង់ជាតំបន់អភិរក្ស ក្នុងពេលឆាប់ៗ បន្ទាប់ពីមានកំណែទម្រង់មុខងារសាធារណៈ រវាងក្រសួងកសិកម្ម និងក្រសួងបរិស្ថានហើយនោះ។ លោក បានបង្ហើបថា ព្រៃឡង់ ទំហំប្រមាណ ៣០ម៉ឺនហិកតា ប្រហែលជានឹងត្រូវដាក់ជាតំបន់ការពារ ដោយប្រើ GPS ធ្វើការកំណត់អោយច្បាស់។ ប៉ុន្តែតួលេខនេះ នៅមិនទាន់ជាក់លាក់នៅឡើយទេ។ប្រភពRFI

http://km.rfi.fr/cambodia/preylang-forest-18-04-2016

លទ្ធផលនេះបានពីអ្នកសង្កេតការណ៍ដែលចម្លងចេញ ឬថតពីកំណត់ហេតុលទ្ធផលឆ្នោត ទ.១១០២