គណៈកម្មាធិការជាតិរៀបចំការបោះឆ្នោតគ.ជ.ប បានសម្រេចប្ដូរនីតិវិធីដោះស្រាយបណ្ដឹងពីសវនាការជាសាធារណៈទៅជាសវនាការសង្ខេបចាប់ពីថ្ងៃទី១៩មករានេះ។ ក្នុងន័យនេះគ.ជ.ប ក៏ពិនិត្យទៅលើប្រភេទនៃពាក្យបណ្ដឹងដែរ ប្រសិនបណ្ដឹងនោះទាក់ទងនឹងច្បាប់ដែលមានចែងស្រាប់គ.ជ.ប នឹងដោះស្រាយតាមរយៈសវនាការសង្ខេប។ ប៉ុន្តែប្រសិនបើបណ្ដឹងនោះទាក់ទងអង្គហេតុដែលត្រូវការព័ត៌មានបន្ថែមនឹងដោះស្រាយតាមរយៈសវនាការសាធារណៈ។ការសម្រេចប្ដូរនីតិវិធីដោះស្រាយបណ្ដឹងរបស់គ.ជ.ប ពីសវនាការសាធារណៈទៅជាសវនាការសង្ខេបត្រូវបានគ.ជ.បលើកបង្ហាញនៅក្នុងសន្និសីទកាសែតស្ដីពីការដោះស្រាយបណ្ដឹងតវ៉ា បណ្ដឹងជំទាស់ ពាក់ព័ន្ធនឹងបញ្ជីបោះឆ្នោតដំបូងនៅព្រឹកថ្ងៃទី១៩មករានេះ។ ហើយនីតិវិធីដោះស្រាយបណ្ដឹងតាមរយៈសវនាការសង្ខេបនឹងចាប់អនុវត្តនៅថ្ងៃទី១៩មករានេះទៅលើពាក្យបណ្ដឹងចំនួន២៣។ប្រភព៖RFI
http://km.rfi.fr/cambodia/NEC-19-01-2017