លោក ហ៊ុន សែន ៖នឹងមានសង្គ្រាមកើតឡើង បើបក្សប្រឆាំងបង្កើតតុលាការឯករាជ្យ
លោកនាយករដ្ឋមន្ត្រី ហ៊ុន សែន ព្រមានថា នឹងមានសង្គ្រាមកើតឡើង ប្រសិនបើគណបក្សប្រឆាំងបង្កើតតុលាការឯករាជ្យសម្រាប់កាត់ទោសអ្នករកស៊ីខុសច្បាប់ ដោយលោកបានប្រៀបធៀបការធ្វើកំណែទម្រង់បែបនេះ ទៅនឹងសម័យ ប៉ុល ពត។ ក្នុងពិធីចែកសញ្ញាបត្រដល់និស្សិត ដែលធ្វើឡើងនៅវិទ្យាស្ថានជាតិអប់រំនៅព្រឹកថ្ងៃចន្ទនេះ លោក ហ៊ុន សែន ថ្លែងថា លោកចង់ឱ្យកម្ពុជាពង្រីកសមត្ថភាពអ្នករកស៊ីឱ្យកាន់តែធំ ប៉ុន្តែអ្នករកស៊ីទាំងនោះត្រូវគេគំរាមបង្កើតតុលាការកាត់ទោសក្រោយឈ្នះឆ្នោត។
