លោក ហ៊ុន សែន ៖ការដាច់ភ្លើងមិនមែនជាចេតនានយោបាយ ឬការវាយប្រហារភេរវកម្មទេ
លោកនាយករដ្ឋមន្ត្រី ហ៊ុន សែន បកស្រាយបញ្ជាក់ថា ការដាច់ចរន្តអគ្គីសនីស្ទើរទូទាំងប្រទេសសែនកាលពីយប់ថ្ងៃព្រហស្បតិ៍នោះ គឺមិនមែនជាចេតនានយោបាយ ឬជាការវាយប្រហារភេរវកម្មនោះទេ គឺដោយសារតែការដាច់ចរន្តនៅប្រទេសវៀតណាមដែលជាប្រភពអគ្គីសនីរបស់ កម្ពុជា។លោក ហ៊ុន សែន បានធ្វើការបកស្រាយបែបនេះតាមរយៈការផ្សាយវីដេអូផ្ទាល់លើទំព័រ ហ្វេសប៊ុករបស់លោក បន្ទាប់ពីចរន្តអគ្គីសនីបានដាច់ស្ទើរទូទាំងប្រទេស។លោក ហ៊ុន សែន មានប្រសាសន៍បញ្ជាក់ថា “នេះមិនមែនជាចេតនានយោបាយរបស់ក្រុមណាមួយ ឬក៏មិនមែនជាឧប្បតិវហេតុដែលអាចកើតឡើងនូវការវាយប្រហារភេរវកម្មនោះទេ”។ លោកបន្តថា ការដាច់នេះគឺបណ្ដាលមកពីការដាច់ចរន្តនៅប្រទេសវៀតណាម។លោកនាយករដ្ឋមន្ត្រីក៏បានសុំអភ័យទោសពីប្រជាពលរដ្ឋផងដែរ ដោយលោកថា នេះជាឧប្បតិវហេតុដែលឥតព្រាងទុក៕
