តុលា ការចេញដីកាចាប់ខ្លួនជំនួយការលោកហុង សុខហួរ និងអ្នកកាន់ផេកលោកសម រង្ស៊ី
មន្ត្រីជាន់ខ្ពស់សាលាដំបូងរាជធានីភ្នំពេញ បានឲ្យដឹង នៅព្រឹកថ្ងៃទី១ ខែធ្នូនេះឲ្យដឹងថា តុលាការបានចេញដីកាបង្គាប់ឲ្យចាប់ខ្លួនជំនួយការលោកហុង សុខហួរ និងអ្នកកាន់ផេកលោកសម រង្ស៊ី ទាក់ទងការសមគំនិតក្នុងអំពើក្លែងបន្លំឯកសារសាធារណៈ ប្រើប្រាស់ឯកសារក្លែង និងញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម។ យោងតាមដីកាបង្គាប់ ឲ្យចាប់ខ្លួនដែលចេញដោយលោកកោ វណ្ឌី ចៅក្រមស៊ើបសួរសាលាដំបូងរាជធានិភ្នំពេញ ដែល ទទួលបាន គឺបានបង្គាប់ឲ្យអាជ្ញាធរមានសមត្ថកិច្ចស្រាវជ្រាវចាប់ខ្លួនឈ្មោះ សត្យា សម្បត្តិ ឬសម្បត្តិ សត្យា និងឈ្មោះ អ៊ុង ជុងលាង ដើម្បីយកមកប្រគល់ជូនសាលាដំបូងរាជធានីភ្នំពេញដើម្បីចាត់ការតាមច្បាប់។ប្រភពរស្មីកម្ពុជា
