មន្ត្រីជាន់ខ្ពស់គណបក្សសង្គ្រោះជាតិម្នាក់លាឈប់ពីបក្សដោយចោទថាមានអំពើអយុត្តិធម៌ក្នុងបក្សច្រើន
សមាជិក គណៈកម្មាធិការនាយកនិងជាប្រធាននាយកដ្ឋានកិច្ចការបោះឆ្នោតនិងនី តិកម្មរបស់គណបក្សសង្គ្រោះជាតិ លោក អ៊ុក ស៊ុយ បានលាលែងចេញពីគណបក្ស ដោយអះអាងថាគណបក្សនេះមានបក្សពួកនិយមនិងភាពអយុត្តិធម៌ច្រើន។លោក អ៊ុក ស៊ុយ ដែលពីមុនជាមន្ត្រីជាន់ខ្ពស់របស់គណបក្សសិទ្ធិមនុស្សផងនោះ នៅថ្ងែទី៣ ខែវិច្ឆិកា ឆ្នាំ២០១៥ បានដាក់លិខិតសុំលាលែងរបស់ខ្លួនទៅកាន់ប្រធាននិងអនុប្រធានគណបក្ស សង្គ្រោះជាតិ លោក សម រង្ស៊ី និងលោក កឹម សុខា ដើម្បីលាឈប់ពីគណបក្ស។ ក្នុងលិខិតនោះ លោក អ៊ុក ស៊ុយ លើកឡើងថាទាំងប្រធាន អនុប្រធាននិងថ្នាក់ដឹកនាំគណបក្សបួនរូបផ្សេងទៀត ដឹកនាំបក្សដោយ”គ្មានសីលធម៌ និងគ្មានគុណធម៌”មកលើថ្នាក់ដឹកនាំគណបក្សផ្សេងទៀត ជាពិសេសមកលើប្រជាពលរដ្ឋរាប់លាននាក់ដែលផ្តល់សេចក្តីទុកចិត្តដល់បក្សមួយនេះ។
