ព្រឹទ្ធសភាអនុម័តច្បាប់ថវិកាឆ្នាំ២០១៦ដោយគ្មានសំឡេងបក្សប្រឆាំង
ព្រឹទ្ធសភា បានពិនិត្យនិងអនុម័តច្បាប់ថវិកាជាតិសម្រាប់ប្រើប្រាស់នៅឆ្នាំ២០១៦ ដែលមាន៥ជំពូក និង១៦មាត្រានោះហើយ កាលពីថ្ងៃទី៧ ធ្នូ ដោយគ្មានកែប្រែអ្វីឡើយ ទោះបីជាបក្សប្រឆាំង និងអង្គការសង្គមស៊ីវិល រិះគន់ថាច្បាប់នេះមិនសូវមានតម្លាភាព និងប្រសិទ្ធភាពក្ដី។លោក ម៉ម ប៊ុននាង សមាជិកព្រឹទ្ធសភា និងជាអ្នកនាំពាក្យ ថ្លែងបញ្ជាក់ថា ការអនុម័តច្បាប់នេះ បានឯកភាពទាំងស្រុង ពីសមាជិកព្រឹទ្ធសភាបក្សប្រជាជនចំនួន ៤៦រូប ខណៈដែលសមាជិកព្រឹទ្ធសភាបក្សសម រង្ស៊ី ៧រូបធ្វើពហិការ និង៤រូបទៀតមកចូលរួម។កាលពីថ្ងៃទី៣០ វិច្ឆិកា រដ្ឋសភាបានអនុម័តសេចក្ដីព្រាងច្បាប់ស្ដីពីហិរញ្ញវត្ថុ សម្រាប់ការគ្រប់គ្រងឆ្នាំ២០១៦ ដោយតំណាងរាស្ត្របក្សកាន់អំណាចចំនួន៦៦សំឡេង និងគ្មានវត្តមានពីបក្សប្រឆាំងដូចគ្នា។ ឮ
