គណៈកម្មាធិការសិទ្ធិមនុស្សរបស់រដ្ឋាភិបាលនឹងសហការជាមួយសាលារាជធានីភ្នំពេញ ដើម្បីប្រារព្ធទិវាសិទ្ធិមនុស្សអន្តរជាតិ១០ធ្នូ ឆ្នាំ២០១៥ ក្រោមប្រធានបទ”សិទ្ធិយើង សេរីភាពយើងជានិរន្តរ៍”។លោក ម៉ក់ សម្បត្តិ ប្រធានគណៈកម្មាធិការសិទ្ធិមនុស្សកម្ពុជា បានឲ្យដឹងកាលពីថ្ងៃចន្ទថានៅឆ្នាំនេះក៏ដូចជាឆ្នាំមុនៗដែរ គណៈកម្មាធិការសិទ្ធិមនុស្សកម្ពុជាសហការជាមួយសាលារាជធានីភ្នំពេញប្រារព្ធ ទិវាសិទ្ធិមនុស្សអន្តរជាតិ១០ធ្នូ។ លោកបន្តថាឆ្នាំនេះ គណៈកម្មាធិការនឹងរៀបចំព្រឹត្តិការណ៍អបអរសាទរនេះ នៅសាលមហោស្រពកោះពេជ្រ ចាប់ពីម៉ោង៧ព្រឹកដល់ម៉ោង១១ ដោយមានការចូលរួមជាគណៈអធិបតីពីលោក សុខ អាន រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី។ប្រភពវីអូឌី(VOD)