ឯកអគ្គរដ្ឋទូតថ្មី បដិសេធថា EU មិនដែលព្រមានផ្តាច់ជំនួយកម្ពុជា
ឯកអគ្គរដ្ឋទូតថ្មីរបស់សហភាព អឺរ៉ុបប្រចាំនៅកម្ពុជា លោក George edgar បានបដិសេធថា សហភាពអឺរ៉ុបមិនដែលបានព្រមានផ្តាច់ជំនួយកម្ពុជាចំនួន ៤៣៥ លានដុល្លារ ដូចការចុះផ្សាយរបស់សារព័ត៌មានមួយចំនួនកន្លងមកនោះទេ។ប្រធានបទនៃការដកជំនួយពីកម្ពុជានេះ ត្រូវបានឯកអគ្គរដ្ឋទូតសហភាពអឺរ៉ុបថ្មីអះអាងថា គ្មានឡើយនៅក្នុងកិច្ចប្រជុំសភាអឺរ៉ុបកាលពីចុងខែវិច្ឆិកាកន្លងទៅ ។ នៅក្នុងទិវាសិទ្ធិមនុស្សអន្តរជាតិលើកទី ៦៧ នៅថ្ងៃនេះ ដែលប្រារព្ធធ្វើនៅស្នាក់ការសហភាពអឺរ៉ុបប្រចាំនៅកម្ពុជា លោក George edgar បញ្ជាក់ថា កិច្ចប្រជុំរបស់សភាសហភាពអឺរ៉ុប កាលពីពេលថ្មីៗនេះ មានលើកឡើងពីបញ្ហានយោបាយកម្ពុជា មានករណីចាប់ខ្លួនលោក សម រង្ស៊ី និងករណីវាយតំណាងរាស្រ្តគណបក្សសង្គ្រោះជាតិពីររូប ជាដើម តែមិនបានលើកឡើងពីការព្រមានផ្តាច់ជំនួយរដ្ឋាភិបាលកម្ពុជានោះទេ៕ប្រភពថ្មីថ្មី
