ប្រធានគណបក្សអំណាចខ្មែរនឹងរៀបចំការជួបជុំឆ្លងឆ្នាំជាមួយពលករខ្មែរនៅប្រទេសថៃ
គណបក្សអំណាចខ្មែរកាលពីយប់ថ្ងៃទី២៩ ខែធ្នូ បានជូនដំណឹងថា លោកសួន សេរីរដ្ឋា ប្រធានគណបក្ស អំណាចខ្មែរ និងអ្នកគាំទ្រ នឹងរៀបចំការជួបជុំឆ្លងឆ្នាំសាកល២០១៥ ចូលឆ្នាំថ្មី២០១៦ ជាមួយបងប្អូនពលរដ្ឋខ្មែរ ដែលធ្វើការងារនៅជុំវិញតំបន់ក្រុងបាងកក ប្រទេសថៃ។ កម្មវិធីជួបជុំនេះ នឹងធ្វើឡើងនៅថ្ងៃទី០១ ខែមករា ឆ្នាំ២០១៦ វេលាម៉ោង ៩ព្រឹក នៅរោងចក្រក្រដាស ទល់មុខវត្តបាងបរ ស្ថិតក្នុងតំបន់បាងបរ ខេត្តសមុទ្របាកាន ជិតព្រលានយន្តហោះអន្តរជាតិសុវណ្ណភូមិ៕
