លោក សម រង្ស៊ី ចង់បំភ្លឺតាមប្រព័ន្ធSkypeពីបណ្តឹងបរិហាកេរ្តិ៍ តែតុលាការបដិសេធ
លោក សម រង្ស៊ី ប្រធានគណបក្សសង្រ្គោះជាតិ ដែលកំពុងនិរទេសខ្លួននៅក្រៅប្រទេស បានលើកឡើងនៅរសៀលថ្ងៃទី០២ថាលោកនឹងឆ្លើយបំភ្លឺទៅចៅក្រមសាលាដំ បូងរាជធានីភ្នំពេញតាមប្រព័ន្ធអ៊ីនធឺណែត តាមបណ្តឹងរបស់មេធាវីប្រធានរដ្ឋសភាលោក ហេង សំរិន ពាក់ព័ន្ធនឹងការបរិហាកេរ្តិ៍។តំណាងអយ្យការអមសាលាដំបូងរាជធានីភ្នំពេញ លោក វង្ស ប៊ុនវិសុទ្ធ បានអញ្ជើញលោក សម រង្ស៊ី ចូលមកកាន់អយ្យការអមសាលាដំបូងរាជធានីភ្នំពេញ នៅថ្ងៃទី៤ ខែមករា ឆ្នាំ២០១៦ វេលាម៉ោង៨និង៣០នាទីព្រឹក ដើម្បីសាកសួរពីរឿងបរិហាកេរ្តិ៍ តាមពាក្យបណ្តឹងរបស់លោក គី តិច មេធាវីលោក ហេង សំរិន។លោក សម រង្ស៊ី សរសេរនៅលើទំព័រហ្វេសប៊ុករបស់លោកថាលោកអាចឆ្លើយសំណួររបស់ តុលាការតាមប្រព័ន្ធSkype ដោយអះអាងថាដើម្បីសន្សំពេលវេលានិងថវិ។
