រដ្ឋាភិបាលសម្រេចមិនឲ្យមានការផ្លាស់ប្តូរចង្កូតពីស្តាំមកធ្វេងសម្រាប់រថយន្តធំៗ
លោកនាយករដ្ឋមន្រ្តី ហ៊ុន សែន នៅថ្ងៃអង្គារនេះ បានបញ្ជាឲ្យទប់ស្កាត់ដាច់ខាតកុំឲ្យមានការនាំចូលរថយន្តចង្កូតស្តាំ មកកម្ពុជាតទៅទៀតនិងយល់ព្រមតាមសំណើរបស់ប្រជាពលរដ្ឋកុំឲ្យមានការ ផ្លាស់ប្តូរចង្កូតរថយន្តពីស្តាំមកធ្វេងវិញ។ការលើកឡើងនេះក្នុងពិធីសម្ពោធសមិទ្ធផលស្ពានអាកាសតិចណូ លោកនាយករដ្ឋមន្រ្តីបានថ្លែងថារដ្ឋាភិបាលសម្រេចតាមការស្នើសុំរបស់ ម្ចាស់រថយន្តធំៗ ដោយមិនចាំបាច់ផ្លាស់ប្តូរចង្កូតរថយន្តពីស្តាំមកធ្វេងនោះទេ។ លោកបន្តថារដ្ឋាភិបាលអនុញ្ញាតឲ្យរថយន្តចង្កូតស្តាំធំៗប្រមាណ៤០០គ្រឿង ចរាចរណ៍តាមធម្មតានិងចូលទៅបង់ពន្ធតាមការណែនាំ។
