តុលាការកោះហៅមេបក្សប្រឆាំងថ្មីមួយរូបដើម្បីសាកសួរករណីប្ដឹងលោក ហោ ណាំហុង
ព្រះរាជអាជ្ញារងអមសាលាដំបូងរាជធានីភ្នំពេញកោះហៅប្រធានគណបក្ស អំណាចខ្មែរលោក សួន សេរីរដ្ឋា ឲ្យចូលទៅកាន់តុលាការ ដើម្បីសាកសួរពីដំណើររឿងបណ្ដឹងរបស់មេបក្សរូបនេះដែលបានប្ដឹង រដ្ឋមន្ត្រីក្រសួងការបរទេស និងសហប្រតិត្តិការអន្តរជាតិលោក ហោ ណាំហុង ពីបទបរិហារកេរ្តិ៍។ការពីរសៀលថ្ងៃចន្ទនេះ លោក សួន សេរីរដ្ឋា បានសរសេរនៅលើទំព័រហ្វេសប៊ុករបស់លោកដោយភ្ជាប់ជាមួយដីកាកោះរបស់ ព្រះរាជ្ញារងរងអមសាលាដំបូងរាជធានីភ្នំពេញលោក មាស ច័ន្ទពិសិដ្ឋ ចុះថ្ងៃទី២៥ ខែធ្នូ ឆ្នាំ២០១៥ ថា លោកទទួលបានលិខិតកោះហៅឲ្យចូលបំភ្លឺនៅតុលាការសាលាដំបូងករណីលោក ប្តឹងលោក ហោ ណាំហុង។បើតាមដីកាកោះដែលលោកបានភ្ជាប់ជាមួយ លោក សួន សេរីរដ្ឋា ត្រូវចូលទៅបំភ្លឺនៅតុលាការនៅថ្ងៃទី១៣ ខែ មករា ឆ្នាំ២០១៦ វេលាម៉ោង៩ព្រឹក តែនៅក្នុងដីកាកោះនោះបានចុះកាលបរិច្ឆេទថ្ងៃទី១៣ ខែមករា ២០១៥។
