គណបក្ស គ.ប.ម រកឃើញថាបរាជ័យការអនុវត្តន៍ច្បាប់ចរាចរណ៍ដោយខ្វះការចូលរួមពីអ្នកពាក់ព័ន្ធ
គណបក្សប្រជាធិបតេយ្យមូលដ្ឋាន ជាបក្សទើបបង្កើតឡើងថ្មីលើកឡើងថា មូលហេតុចម្បងនាំឲ្យបរាជ័យក្នុងអនុវត្តច្បាប់ចរាចរណ៍ដោយសារ ខ្វះការចូលរួមពីភាគីពាក់ព័ន្ធក្នុងការអប់រំឲ្យបានទូលំទូលាយដល់ សាធារណជន។សេចក្ដីថ្លែងការណ៍ចេញផ្សាយនៅថ្ងៃទី៩ ខែមករា របស់គណបក្សប្រជាធិបតេយ្យមូលដ្ឋាន លើកឡើងថា ខ្វះការចូលរួមពីភាគីពាក់ព័ន្ធក្នុងការតាក់តែងច្បាប់ និងមិនបានផ្សព្វផ្សាយឲ្យទូលាយ ជាមូលហេតុធ្វើឲ្យការអនុវត្តច្បាប់ចរាចរណ៍ថ្មីបរាជ័យ។ នៅក្នុងសេចក្ដីថ្លែងការណ៍ដដែល ក៏បានបង្ហាញអនុសាសន៍មួយចំនួន ដើម្បីជំរុញឲ្យមានការ អនុវត្តច្បាប់បានល្អ និង កាត់បន្ថយគ្រោះថ្នាក់ចរាចរណ៍។
