លោកនាយករដ្ឋមន្ត្រី ហ៊ុនសែន នៅព្រឹកថ្ងៃទី១០ បានអះអាងថាសន្និបាតបក្សប្រជាជនកម្ពុជា កាលពីថ្ងៃ​អាទិត្យ បង្ហាញពីការទទួលខុសត្រូវ ចំពោះផលប្រយោជន៍ជាតិក្នុងឋានៈ ជាបក្ស កាន់​អំណាច​ខណៈ បក្សកាន់អំណាចនេះមើលឃើញពីសន្ទុះ វាយប្រហាររបស់បក្សប្រឆាំងមាន​សកម្មភាព​ខ្លាំង​​ក្លា។នៅលើបណ្តាញសង្គមហវេសប៊ុក​របស់​ខ្លួន លោកហ៊ុន សែនបានលើកឡើងថា "ការពិភាក្សា និងការអនុម័ត នូវឯកសារដ៏មានសារសំខាន់នេះ បង្ហាញពីការទទួលខុសត្រូវ ក្នុងឋានៈ ជា​បក្ស កាន់អំណាច ដែលត្រូវគិតគូរគ្រប់ជ្រុងជ្រោយ និងគ្រប់បញ្ហាដែល ជាផល ប្រយោជន៍ របស់​ជាតិ និងប្រជាជនយើង"។