CNRP៖ខ្លួនចុះមូលដ្ឋានឲ្យបានមួយខែ៤ដង ដើម្បីត្រៀមដឹកនាំរដ្ឋាភិបាល
គណបក្សសង្គ្រោះជាតិ ឲ្យដឹងថា ខ្លួនប្តេជ្ញាចុះមូលដ្ឋានជួបជាមួយប្រជាពលរដ្ឋជាថ្មីឲ្យបាន៤ដងក្នុងមួយខែ ចាប់ពីដើមឆ្នាំ២០១៦ នេះ ដើម្បីរៀបចំរចនាសម្ព័ន្ធ ដែលគណបក្សប្រឆាំងធំជាងគេនេះរំពឹងថា នឹងបានដឹកនាំរដ្ឋាភិបាលនៅអាណត្តិក្រោយ។ការប្តេជ្ញារបស់គណបក្សសង្គ្រោះជាតិ ធ្វើឡើងបន្ទាប់ពីស្ថានការនយោបាយនៅកម្ពុជាថយកំដៅ ខណៈប្រធានគណបក្សនេះ លោក សម រង្ស៊ី ប្រឈមនឹងការចាប់ដាក់ពន្ធនាគារ ហើយកំពុងនិរន្ទេសខ្លួននៅក្រៅប្រទេស។លោក យឹម សុវណ្ណ អ្នកនាំពាក្យគណបក្សសង្គ្រោះជាតិ មានប្រសាសន៍ឲ្យដឹង កាលពីថ្ងៃចន្ទនេះថា ចាប់ពីឆ្នាំថ្មីនេះគណបក្សសង្គ្រោះ ជាតិ នឹងចុះទៅតាមមូលដ្ឋានទូទំាងរាជធានី/ខេត្ត ដើម្បីពង្រឹងរចនាសម្ព័ន្ធបក្ស និងស្តាប់ពីទុក្ខកង្វល់របស់ប្រជាពលរដ្ឋ រួមទំាងបញ្ហាផ្សេងៗទៀត មុនគណបក្សឡើងកាន់អំណាចនៅអាណត្តិក្រោយនេះ។ប្រភពVOD
