លោក សម រង្ស៊ី ៖ ខ្ញុំនឹងប្តូរមេដឹកនាំដែលមិនចេះស្រឡាញ់ទឹកដី
មេបក្សប្រឆាំងអះអាងជាថ្មីទៀតថា ខ្លួននឹងនាំមកនូវការផ្លាស់ប្តូរមេដឹកនាំមួយ ដែលចេះស្រឡាញ់ ប្រជាពលរដ្ឋក្រីក្រ និងស្រឡាញ់ជាតិមាតុភូម ដូចការចង់បានរបស់ប្រជាពលរដ្ឋ។លោក សម រង្ស៊ី ប្រធានគណបក្សសង្គ្រោះជាតិ ដែលកំពុងនិរទេសខ្លួននៅក្រៅប្រទេស ដើម្បីគេចផុតពីដីកាតាមចាប់ខ្លួននោះ បានផ្ញើសារនយោបាយ តាមវីដេអូឃ្លីប បង្ហោះលើបណ្តាញសង្គមផ្ទាល់របស់លោក កាលពីថ្ងៃទី១៦ ខែមករា ដោយអះអាងថា ទោះបីលោកស្ថិតនៅក្រៅប្រទេសក៏ដោយ ប៉ុន្តែលោកថា លោកនឹងខិតខំរិះរកគ្រប់មធ្យោបាយ ដើម្បីនាំមកនូវការផ្លាស់ប្តូរមេដឹកនាំមួយ ដែលលោកថា ចេះស្រឡាញ់ពលរដ្ឋក្រីក្រ ចេះស្រឡាញ់ធនធានធម្មជាតិ និងមិនធ្វើឲ្យបាត់បង់ទឹកដីដូចបច្ចុប្បន្ននេះទេ។លោក សម រង្ស៊ី បានអះអាងទៀតថា លោកនឹងប្តេជ្ញានាំមកនូវលទ្ធិប្រជាធិបតេយ្យឲ្យទាល់តែបាន ដើម្បីសង្គ្រោះជាតិនាពេលឆាប់ៗនេះ។
