លោកកឹម សុខា៖ឲ្យតែបោះឆ្នោតបានត្រឹមត្រូវបក្សណាឈ្មះមិនសំខាន់ទេ

ប្រធានស្ដីទី​គណបក្ស​សង្គ្រោះ​ជាតិ លើកឡើងថា ឲ្យតែ​ការបោះឆ្នោត​នៅ​ពេល​ខាង​មុខ​ប្រព្រឹត្តទៅ​ដោយ​ត្រឹមត្រូវ និង​យុត្តិធម៌ គណបក្ស​នយោបាយ​ណា​ឈ្នះ​មិន​សំខាន់​នោះ​ទេ សំខាន់​រួបរួមគ្នា​កសាង និង​អភិវឌ្ឍន៍​ប្រទេសជាតិ។​ការ​ថ្លែង​បែប​នេះ​នៅក្នុង​វេទិកា​ជួបជុំ​សកម្មជន​មូលដ្ឋាន នៅ​ក្រុង​សួង ខេត្ដ​ត្បូងឃ្មុំ កាលពី​ព្រឹក​ថ្ងៃទី​២៣​ ខែ​មករា​ ដែល​មាន​អ្នកគាំទ្រ​ប្រមាណ​៤០០០​នាក់​។ លោក កឹម សុខ មានប្រសាសន៍ថា​៖ ការបោះឆ្នោតជាតិ ​នៅពេល​ខាងមុខ​នេះ បើ​ទោះបី​គណបក្ស​ណាមួយ​ឈ្នះ​ក៍​គ្មាន​ចង្រៃ​អី​ដែរ សំខាន់ឲ្យ​តែ​ថ្នាក់ដឹកនាំ​រួបរួម​គ្នា​កសាង​ប្រទេស​ជាតិ ជួយ​ប្រជាពលរដ្ឋ ដើម្បី​ឲ្យ​ពួកគេ​មាន​ឯករាជ្យ​ពិតប្រាកដ​។ ប៉ុន្ដែ​ទោះជា​យ៉ាងណា លោក កឹម សុខា ទទួច​ឲ្យ​ស្ថាប័ន​ពាក់ព័ន្ធ ក៍​ដូច​គណម្មាធិការជាតិ​រៀបចំ​ការបោះឆ្នោត ធ្វើ​យ៉ាងណា​ការបោះឆ្នោត​នោះ​ត្រូវមាន​លក្ខណៈ​សេរី​ត្រឹមត្រូវ​និង​ យុត្ដិធម៌ ដែល​លោក​ថា ពេល​នោះ​នឹង​ដឹងថា អ្នកឈ្មះ​នឹង​ឈ្នះ អ្នកចាញ់​នឹង​ចាញ់ ដោយ​លោក​ថា បញ្ហា​នេះ​ជា​បំណងប្រាថ្នា​របស់​ប្រជាពលរដ្ឋ​ផង​ដែរ និង​ដើម្បី​ឆ្លុះបញ្ចាំង​ពី​ឆន្ទៈ​ពិត​របស់​ពួកគាត់​។​

ទៅកាន់គេហទំព័​ដើម​របស់​សម្លេងម្ចាស់ឆ្នោតកម្ពុជា