លោក ហ៊ុន សែន ព្រមានបក្សប្រឆាំងមុនពេលរដ្ឋមន្ត្រីការបរទេសអាមេរិកមកដល់
លោកនាយករដ្ឋមន្រ្តី ហ៊ុន សែន បានព្រមានមេដឹកនាំគណបក្សប្រឆាំងថាពួកគេនឹងប្រឈមនឹងបាតុកម្មនៅ កម្ពុជាប្រសិនបើលោកជួបនឹងបាតុកម្មប្រឆាំងរដ្ឋាភិបាលក្នុងដំណើរ ទស្សនកិច្ចផ្លូវការរបស់លោកទៅកាន់សហរដ្ឋអាមេរិកនៅខែក្រោយដែលនេះ ជាការគំរាមដែលបានលើកឡើងឲ្យដឹងពីបាតុកម្មកាលពីឆ្នាំមុនដែល ធ្វើឲ្យសមាជិករដ្ឋសភារបស់គណបក្សប្រឆាំងចំនួន ២ នាក់ត្រូវបានគេវ៉ៃឲ្យរងរបួសយ៉ាងដំណំ។ការលើកឡើងនេះបានធ្វើឡើងរយៈពេលតែប៉ុន្មានម៉ោងប៉ុណ្ណោះមុនពេល ដែលលោក ចន ឃើរី រដ្ឋមន្រ្តីការបរទេសអាមេរិកមកដល់រាជធានីភ្នំពេញបន្ទាប់ពីលោកបាន ធ្វើដំណើរទស្សនកិច្ចនៅឡាវហើយនៅថ្ងៃនេះលោកនឹងជួបលោកនាយក រដ្ឋមន្រ្តី ហ៊ុន សែន លោក ហោ ណាំហុង រដ្ឋមន្រ្តីការបរទេសលោក កឹម សុខា ប្រធានស្តីទីនៃគណបក្សសង្គ្រោះជាតិ និងតំណាងសង្គមស៊ីវិលផងដែរ។
