សម្លេងម្ចាស់ឆ្នោត​កម្ពុជា

លោកនាយករដ្ឋមន្រ្តី ហ៊ុន សែន អះអាង​ថា ច្បាប់ H.R ៥២៦ ដែល​រដ្ឋសភា​អាមេរិក​ទើប​អនុម័ត​នោះ នឹង​មិន​ផ្ដល់​ផល​ចំណេញ​អ្វី​ដល់​ទំនាក់ទំនង​ល្អ​រវាង​សហរដ្ឋអាមេរិក និង​កម្ពុជា​ឡើយ ផ្ទុយទៅវិញ​ច្បាប់​នេះ គឺ​ប្រឆាំង​នឹង​កិច្ច​ខិតខំ​ប្រឹងប្រែង​របស់​របប​នេះ​ចំពោះ​ការអនុវត្ត​លទ្ធិប្រជាធិបតេយ្យ​ទៅវិញ​ទេ​។ ទោះជា​យ៉ាងណា រដ្ឋាភិបាល​នេះ​មិនបាន​បង្ហាញ​ពី​វិធានការ​ជាក់លាក់​ណាមួយ ដើម្បី​ប្រឆាំង​តបត​ទៅ​នឹង​សហរដ្ឋអាមេរិក​នៅឡើយ​ទេ។ អ្នកវិភាគ​នយោបាយ​ជឿ​ថា បើ​ច្បាប់​នេះ​ដាក់ទណ្ឌកម្ម​លើ​សេដ្ឋកិច្ច​​ជាតិ​ទាំងមូល រាជរដ្ឋាភិបាលនឹង​មិនសូវ​ខ្វាយខ្វល់​ប៉ុន្មាន​ឡើយ ប៉ុន្តែ​ដោយសារ​ច្បាប់​នេះ​សំដៅ​មក​រក​ពួកគេ​ផ្ទាល់ ហេតុដូច្នេះ​ទើប​បាន​ជា​ពួកគេ​រក្សា​ភាព​ស្ងប់ស្ងាត់ មិនសូវ​បញ្ចេញ​ប្រតិកម្ម។

ប្រភពRFA៖ https://bit.ly/2M4YPPH