សាលាដំបូងរាជធានីភ្នំពេញ បន្តបើកសវនាការជំនុំជម្រះលើសំណុំរឿងប្រធានគណបក្សសង្គ្រោះជាតិ លោក កឹម សុខា ក្នុងថ្ងៃទី២ នៃសប្ដាហ៍ទី៥ ដែលត្រូវនឹងថ្ងៃទី១៣ ខែកុម្ភៈ។ ការដេញដោលក្នុងសវនាការនៅថ្ងៃនេះ មានភាពតានតឹងខ្លាំងរហូតដល់សហមេធាវីការពារក្តីឱ្យលោក កឹម សុខា ចំនួន ៤រូប ដើរចេញពីបន្ទប់សវនាការ។ ការដើរចេញនេះ ដោយសារតែប្រធានក្រុមប្រឹក្សា ជំនុំជម្រះ មិនផ្តល់ឱកាសឱ្យពួកគេឡើងនិយាយពាក់ព័ន្ធនឹងឯកសារមួយដុំ ដែលតុលាការប្រើប្រាស់សម្រាប់ចោទសួរលោក កឹម សុខា ដែលក្រុមមេធាវី យល់ថា ឯកសារនោះ ជាឯកសារមិនស្របច្បាប់។
ប្រភពRFA៖http://bit.ly/2SJwPmb