លោកជាម​ យៀប៖ នាយក​រដ្ឋ​មន្រ្តី​មិន​បាន​ស្នើ​បង្កើត​ច្បាប់​ការ​ពារ​ថ្នាក់​ដឹក​នាំCPP​ទេ​

2014-03-20 10:35:00 3355 Views

លោក ជាម យៀប ប្រធានគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្មនៃ រដ្ឋសភា បានបដិសេធ និងច្រានចោលសម្តីមេបក្សសង្គ្រោះជាតិ ដែលថាលោកនាយករដ្ឋមន្រ្តីហ៊ុន សែន បានស្នើបង្កើតច្បាប់ការពារថ្នាក់ដឹក នាំ​CPP នៅក្នុងជំនួបកំពូលនៃមេដឹកនាំគណបក្សប្រជាជនកម្ពុជា និងគណបក្សសង្គ្រោះជាតិ កាលពីថ្ងៃទី១៦ កញ្ញា ២០១៣ នៅវិមានរដ្ឋសភា។ លោកបានបន្តថាក្នុងជំនួបកំពូលនោះ លោកនាយករដ្ឋមន្រ្តី ហ៊ុន សែន បាន​មាន​ប្រសាសន៍​ជម្រាបលោក សម រង្ស៊ី វិញថា «ខ្ញុំដឹកនាំប្រទេសជាតិតាំងពីឆ្នាំ១៩៧៩ មកដល់បច្ចុប្បន្ន ធ្វើនាយករដ្ឋមន្ត្រី តាំងពីឆ្នាំ១៩៨៥ មកទល់សព្វថ្ងៃ ពុំដែលមានកំហុសធ្ងន់ធ្ងរឯណា ទុកឱ្យច្បាប់ការពារខ្ញុំនោះទេ បើ​ខ្ញុំ​ធ្វើ​ខុស​ធ្វើ​ទៅ​តាម​ច្បាប់​ទៅ» ។

លោកជាម យៀបថ្លែង ប្រាប់ដូច្នេះទៅអ្នកសារព័ត៌មាន កាលពីល្ងាចថ្ងៃទី១៨ មីនា នៅអាកាសយានដ្ឋានអន្តរជាតិភ្នំពេញ មុនពេលលោកចេញដំណើរទៅប្រទេសឡាវ ដើម្បីចូលរួមសិក្ខាសាលារួមគ្នារវាងរដ្ឋសភានៃប្រទេសកម្ពុជា វៀត​ណាម ឡាវ ដែលប្រារព្ធធ្វើនៅក្រុងវៀងចន្ទន៍  ។

លោក សម រង្ស៊ី បានផ្តល់បទសំភាសន៍ប្រាប់កាសែតបរទេស(The Nation)កាលពីពេលថ្មីៗនេះថា លោកនាយករដ្ឋមន្ត្រី ហ៊ុន សែន បានស្នើសុំឱ្យបង្កើតច្បាប់មួយដើម្បីការពារ ឬផ្តល់​អភ័យ​ឯកសិទ្ធិ​ជូន​ថ្នាក់​ដឹក​នាំ​ជាន់​ខ្ពស់​គណ​បក្ស​ប្រជា​ជនកម្ពុជា  ក្នុងនោះមានលោក ហ៊ុន សែន នាយករដ្ឋមន្ត្រី  សម្តេចធម្មពោធិសាល ជា ស៊ីម និងសម្តេចពញាចក្រី ហេង សំរិន បន្ទាប់ពីចុះចេញពីតំណែង និងអស់អំណាច ។
ដកស្រង់ពីគេហទំព័រកោះសន្តិភាពដែលបានចេញផ្សាយនាថ្ងៃទី២០​ មីនា ឆ្នាំ២០១៤។


កំណែទំរង់ការបោះឆ្នោត

ឃ្លាំមើលតំណាងរាស្ត្រលើ Android​

សម្លេងម្ចាស់ឆ្នោតលើ Android​

ផែនទី​លទ្ធផល​បោះឆ្នោត​

ភាពមិនប្រក្រតីនៃការបោះឆ្នោត​ឆ្នាំ២០១៣​

...

ស្តាប់​ការ​ផ្សាយ​វិទ្យុសម្លេង​សង្គម​ស៊ី​វិល​​ តាម​ប្រព័ន្ធអ៊ិនធើ​ណែត



VOC Radio Broadcast  7:30AM​-​8:30AM
VOC on Ustream

Ask the Candidate​

COMFREL FACEBOOK PAGE​



ប្រភពព័ត៌មានបោះឆ្នោតផ្សេងៗ

គណៈកម្មាការដើម្បីការបោះ​ឆ្នោត​ដោយ​សេរីនិង​យុត្តិធម៌​នៅកម្ពុជា គណៈកម្មាធិការ​ជាតិ​រៀប​ចំ​ការ​បោះ​ឆ្នោត គណៈ​កម្មាធិការ​អព្យាក្រឹត និងយុត្តិធម៌ ដើម្បីការបោះ​ឆ្នោត​ដោយ​សេរី​ និងត្រឹម​ត្រូវ​នៅកម្ពុជា NDI_logo IRI_logo afrel_logo idea_logo CPP_logo SRP_logo Human Rights Party Norodom Ranariddh Party វិទ្យុអាស៊ីសេរី សំឡេងសហរដ្ឋអាមេរិក សំលេងសង្គម​ស៊ី​វិល (VOC) វិទ្យុភាសារបារាំងអន្តរជាតិ Phnom-Penhpost ដើមអម្ពិល kampucheathmey kohsantepheap_logo CEN
Power by:
Butterflywrk គណៈកម្មាការដើម្បីការបោះ​ឆ្នោត​ដោយ​សេរីនិង​យុត្តិធម៌​នៅកម្ពុជា