របាយការណ៍អគ្គស្នងការនគរបាលជាតិ ស្តីពី ស្ថានភាពសន្តិសុខទូទៅ នៅក្នុងប្រទេសកម្ពុជា

2014-05-08 11:50:00 2617 Views

របាយការណ៍របស់អគ្គស្នងការដ្ឋាននគរបាលជាតិ នៅថ្ងៃទី០៧ ខែឧសភា  បានលើកឡើងពីស្ថានភាពសន្តិសុខទូទៅ នៅក្នុងប្រទេសកម្ពុជា។ របាយការណ៍បង្ហាញថា ផែនសន្តិសុខបានដើរតួនាទី​ដ៏សំខាន់រួមចំណែកលើកិច្ចការពារ​បាន​យ៉ាង ល្អប្រសើរនូវបរិយាកាសសន្តិភាព សន្តិសុខជាតិ សណ្តាប់សង្គម ពុំអនុញ្ញាតឲ្យក្រុមចលនាអមិត្ត និងពួកប្រតិកិរិយាផ្សេងៗ មានឱកាសធ្វើសកម្មភាពអ្វីរំខានដល់ការអនុវត្តគោលនយោបាយរបស់រាជ រដ្ឋាភិបាលបានឡើយ។

កិច្ចសហការបង្ក្រាបដោយប្រសិទ្ធិភាពនូវសកម្មភាពបទល្មើសឆ្លងដែន ដូចជា ករណីចាប់ជំរិតទារប្រាក់តាមទូរស័ព្ទ ករណីលួចចូលមកលាក់ខ្លួននៅក្នុងប្រទេសកម្ពុជាដោយខុសច្បាប់ ករណីជួញដូរគ្រឿងញៀនជាដើម។

ចលនាមហាជនឲ្យមានការយល់ដឹង និងចូលរួមក្នុងយន្តការ រក្សាសន្តិសុខសុវត្ថិភាព មូលដ្ឋានយល់ច្បាស់ពីតម្លៃសន្តិភាព។ ទប់ស្កាត់បង្ក្រាបទាន់ពេលវេលា បណ្តាសកម្មភាពប្រតិកិរិយា ការបាចខិតប័ណ្ណ ការប៉ុនប៉ងកសាងកំលាំង ប្រដាប់អាវុធខុសច្បាប់ ព្រមទាំងបទល្មើសព្រហ្មទណ្ឌផងដែរ។

ទោះជាយ៉ាងនេះក្តីពិនិត្យតាមនិន្នាការ និងឥទ្ធិពលរបស់ពិភពលោក ក៏ដូចជាក្នុងតំបន់នាពេលថ្មីៗនេះ យើងអាចធ្វើការវាយតម្លៃនិងសន្និដ្ឋានដូចខាងក្រោម ៖
-ទោះបីកម្ពុជាមិនអាច ក្លាយជាគោលដៅផ្ទាល់ នៃការវាយប្រហារដោយអំពើភេរវកម្ម អន្តរជាតិក៏ដោយ ក៏បណ្តាស្ថានទូត ស្ថានបេសកកម្មបរទេស ប្រតិភូអន្តរជាតិ អ្នកទេសចរណ៍និងគោលដៅវិនិយោគមួយចំនួន នៅតែអាចជាគោលដៅនៃការប៉ុនប៉ង វាយប្រហាររបស់ក្រុមភេរវកម្មអន្តរជាតិ។
-ពិនិត្យតាមសភាពការណ៍វិវឌ្ឍន៍ផ្នែកនយោបាយ នាពេលថ្មីៗនេះ បង្ហាញថាក្រុមអ្នកនយោបាយ អមិត្តនៅតែចិញ្ចឹមគំនុំប៉ុនប៉ង ធ្វើសកម្មភាពភេរវកម្ម បង្កចលាចលសង្គម ធ្វើការបំផ្លិចបំផ្លាញ ឬសកម្មភាពកេងយកចំណេញផ្នែកនយោបាយ បំរើមហិច្ឆិតារបស់គេផងដែរ។
-ពពួកឧក្រិដ្ឋជន អន្តរជាតិ ដែលមានការចាត់តាំង នៅតែអាចបន្ត ធ្វើសកម្មភាពឆ្លងកាត់ លាក់ខ្លួន និងអាចបន្តប្រើប្រាស់ទឹកដីកម្ពុជា ធ្វើសកម្មភាពឧក្រិដ្ឋផ្សេងៗក្នុងករណី ដែលមានឱកាសអំណោយផល។

-គោលនយោបាយបើកចំហជើងមេឃ និងគោលនៃការអូសទាញអ្នកទេសចរណ៍ ឲ្យធ្វើដំណើរមកកម្ពុជាគឺជាឱកាសមួយដ៏ប្រសើរ នៃការធ្វើទេសន្តប្រវេសន៍ខុសច្បាប់និង ការឆ្លៀតឱកាស ជ្រៀតចូលដោយស្របច្បាប់ របស់មុខសញ្ញាអន្តោប្រវេសន៍ ក៏ដូចជាមុខសញ្ញាភេរវជន និងឧក្រឹដ្ឋជនមួយចំនួន នៅក្នុងករណីដែលប្រព័ន្ធគ្រប់គ្រងអន្តោប្រវេសន៍កម្ពុជា មិនទាន់បានពង្រឹងឲ្យបានត្រឹមត្រូវ។
-បញ្ហាអូសបន្លាយ នៃសកម្មភាពបាតុកម្មរបស់គណបក្សប្រឆាំង និងកម្មករគឺជាបញ្ហាប្រឈមដ៏ធ្ងន់ធ្ងរដល់សន្តសុខ សណ្តាប់ធ្នាប់សង្គម ជាពិសេសចំពោះអ្នកវិនិយោគិន ដែលទាមទារឲ្យមានការស្វែងរកដំណោះស្រាយមួយសមស្រប និងឆាប់រហ័ស។

ដកស្រង់ពីគេហទំព័រសម្លេងសារព័ត៌មានសេរី ចេញផ្សាយកាលពីថ្ងៃទី០៧ ឩសភា ឆ្នាំ២០១៤។


កំណែទំរង់ការបោះឆ្នោត

ឃ្លាំមើលតំណាងរាស្ត្រលើ Android​

សម្លេងម្ចាស់ឆ្នោតលើ Android​

ផែនទី​លទ្ធផល​បោះឆ្នោត​

ភាពមិនប្រក្រតីនៃការបោះឆ្នោត​ឆ្នាំ២០១៣​

...

ស្តាប់​ការ​ផ្សាយ​វិទ្យុសម្លេង​សង្គម​ស៊ី​វិល​​ តាម​ប្រព័ន្ធអ៊ិនធើ​ណែត



VOC Radio Broadcast  7:30AM​-​8:30AM
VOC on Ustream

Ask the Candidate​

COMFREL FACEBOOK PAGE​



ប្រភពព័ត៌មានបោះឆ្នោតផ្សេងៗ

គណៈកម្មាការដើម្បីការបោះ​ឆ្នោត​ដោយ​សេរីនិង​យុត្តិធម៌​នៅកម្ពុជា គណៈកម្មាធិការ​ជាតិ​រៀប​ចំ​ការ​បោះ​ឆ្នោត គណៈ​កម្មាធិការ​អព្យាក្រឹត និងយុត្តិធម៌ ដើម្បីការបោះ​ឆ្នោត​ដោយ​សេរី​ និងត្រឹម​ត្រូវ​នៅកម្ពុជា NDI_logo IRI_logo afrel_logo idea_logo CPP_logo SRP_logo Human Rights Party Norodom Ranariddh Party វិទ្យុអាស៊ីសេរី សំឡេងសហរដ្ឋអាមេរិក សំលេងសង្គម​ស៊ី​វិល (VOC) វិទ្យុភាសារបារាំងអន្តរជាតិ Phnom-Penhpost ដើមអម្ពិល kampucheathmey kohsantepheap_logo CEN
Power by:
Butterflywrk គណៈកម្មាការដើម្បីការបោះ​ឆ្នោត​ដោយ​សេរីនិង​យុត្តិធម៌​នៅកម្ពុជា