Cambodian Voter's Voice

មេធាវី ជំរុញឲ្យតុលាការកំពូល ជំនុំជម្រះសំណើសុំនៅក្រៅឃុំ របស់មន្ត្រីអាដហុក និងមន្ត្រីគជប

2016-08-04 16:05:00 4772 Views

ក្រោយបរាជ័យ ក្នុងការសុំនៅក្រៅឃុំចំនួន២លើក មន្ត្រីគជប និងមន្ត្រីអាដហុកទាំង៤រូប ដែលកំពុងជាប់ឃុំឃាំងក្នុងពន្ធនាគារ ក៏បានផ្តល់សិទ្ធិឲ្យមេធាវីរបស់ខ្លួន ដើម្បីបន្តប្តឹងទៅកាន់តុលាការកំពូល។ ប៉ុន្តែ ក្រុមមេធាវីទាំងនោះ មិនទាន់ទទួលបានដំណឹង ពាក់ព័ន្ធនឹងការបើកសវនាការ ពីតុលាការកំពូល នៅឡើយទេ។ក្រុមមេធាវីរបស់ មន្ត្រីអាដហុក និងមេធាវីរបស់មន្ត្រីគជប នឹងដាក់លិខិត ទៅកាន់តុលាការកំពូល ដើម្បីស្នើឲ្យពន្លឿនការជំនុំជម្រះ លើសំណើរសុំនៅក្រៅឃុំ។ ប៉ុន្តែ សហមេធាវី មិនទាន់កំណត់ពេលវេលាជាក់ថា នឹងដាក់លិខិតទៅកាន់តុលាការកំពូលនៅពេលណាឡើយ។ ម្យ៉ាងទៀត មេធាវីរបស់អ្នកទាំង៥ខាងលើ ត្រូវជួបពិភាក្សាគ្នាជាមុនសិន មុននឹងឈានដល់ការសម្រេចចិត្តក្នុងរឿងនេះ។ នេះបើតាមការអះអាងរបស់លោក សំ សុគង់ មេធាវីការពារក្តីឲ្យលោក នី ចរិយា ដែលជាអគ្គលេខាធិការរងរបស់គជប។ថ្លែងប្រាប់សារព័ត៌មានថ្មីៗ លោក សំ សុគង់ បានលើកឡើងថា សំណើរសុំនៅក្រៅឃុំ មិនអាចត្រូវបានពន្យារពេលយូរឡើយ ដូច្នេះ តុលាការកំពូល ត្រូវតែបើកសវនការ ឲ្យឆាប់រហ័ស។ លោក សង្កត់ធ្ងន់ថា ក្រុមមេធាវី ត្រូវតែរៀបចំកិច្ចការខាងលើឲ្យលឿនតាមតែអាចធ្វើទៅបាន ដោយមិនបង្អែបង្អង់នោះទេ។ ប្រភពថ្មីៗ

https://thmeythmey.com/?page=detail&ctype=article&id=42868&lg=kh

លទ្ធផលនេះបានពីអ្នកសង្កេតការណ៍ដែលចម្លងចេញ ឬថតពីកំណត់ហេតុលទ្ធផលឆ្នោត ទ.១១០២