សម្លេងម្ចាស់ឆ្នោត​កម្ពុជា

ប្រធានគណៈកម្មាធិការជាតិ រៀបចំការបោះឆ្នោត(គ.ជ.ប) លោក ស៊ិក ប៊ុនហុក បានថ្លែងឲ្យដឹងថា ទោះបីជាគ.ជ.ប កើតចេញពីណាមកក៏ដោយ ក៏មិនត្រូវលំអៀងទៅរកភាគីណាដែរ។លោក ស៊ិក ប៊ុនហុក ថ្លែងក្នុងពិធីទទួលស្វាគមន៍ សមាជិកថ្មីរបស់ គ.ជ.ប ចំនួនបីរូបនៅថ្ងៃទី១៥ ខែធ្នូ ឆ្នាំ២០១៧ថា “ជាគោលការណ៍ មិនថា គ.ជ.ប គំរូអីទេ ព្រោះក្នុងពិភពលោក វាមានច្រើនណាស់ ប៉ុន្តែ គ.ជ.ប ខ្លះចេញមកពីសមត្ថភាពឯករាជ្យតែម្ដង គ.ជ.ប ខ្លះចេញ មកពីរដ្ឋាភិបាល អ្នកធ្វើការបោះឆ្នោត។ គ.ជ.បខ្លះចំរុះរដ្ឋាភិបាលផង គណបក្សនយោបាយផង មានគ្រប់សព្វនៅលើសកលលោក”។លោកបន្តថា មិនថា សមាជិក គ.ជ.ប មកពីស្ថាប័នណាទេ ត្រូវតែធ្វើការឲ្យមានភាពត្រឹមត្រូវ មិនលំអៀងទៅភាគីម្ខាងណាមួយឡើយ ហើយត្រូវធ្វើទៅតាមច្បាប់ដែលបានតម្រូវ។

ប្រភព៖សារព័ត៌មានដើមអម្ពិល

https://goo.gl/mmiEzt