ស្ថាបនិកគណបក្សប្រជាធិបតេយ្យមូលដ្ឋានថា ជំនួបជាមួយលោក កឹម សុខា មិនពាក់ព័ន្ធនឹងរឿងនយោបាយទេ
អ្នកជំនាញកសិកម្ម និងជាស្ថាបនិកគណបក្សប្រជាធិបតេយ្យមូលដ្ឋានលោក យ៉ង សាំងកុមារអះអាងថាជំនួបរវាងរូបលោក ជាមួយលោក កឹម សុខា ប្រធានគណបក្សប្រឆាំងនោះមិនបាននិយាយដល់រឿងនយោបាយឡើយ ដ្បិតលោកដឹងថាជារឿងផ្ទុយពីបម្រាមរបស់តុលាការ។ ការលើកឡើងនេះបន្ទាប់ពីអ្នកនាំពាក្យគណបក្សប្រជាជនកម្ពុជាព្រមានថាអាចនឹងមានវិធានការផ្លូវច្បាប់ប្រសិនបើ អ្វីដែលប្រធានគណបក្សប្រឆាំងធ្វើបានល្មើស នឹងបម្រាមរបស់តុលាការ។ អ្នកវិភាគថាគណបក្សកាន់អំណាចទំនងជាកំពុងបារម្ភពីការរួបរួមកម្លាំងគ្នារវាងលោក កឹម សុខា និងគណបក្សប្រជាធិបតេយ្យមូលដ្ឋាន ប៉ុន្តែយកលេសរឿងបម្រាមតុលាការទៅវិញ។
ប្រភព RFA ៖ https://bit.ly/3d0Rfmh
