អង្គការលើកលែងទោសអន្តរជាតិរកឃើញថា កម្ពុជាមានករណីរំលោភសិទ្ធិមនុស្សធ្ងន់ធ្ងរក្នុងឆ្នាំ២០២០
ស្ថានភាពសិទ្ធិមនុស្សនៅកម្ពុជាក្នុងឆ្នាំ២០២០ នៅតែយ៉ាប់យ៉ឺនខ្លាំង ដោយសារតែការរំលោភបំពានរបស់អាជ្ញាធរ និងរដ្ឋាភិបាលលោក ហ៊ុន សែន ទៅលើប្រជាពលរដ្ឋ គណបក្សប្រឆាំង សង្គមស៊ីវិល និងប្រព័ន្ធផ្សព្វផ្សាយ។ ប្រព័ន្ធយុត្តិធម៌ និងតុលាការ ត្រូវបានរដ្ឋាភិបាលលោក ហ៊ុន សែន ប្រើប្រាស់ដោយមិនត្រឹមត្រូវ ដើម្បីអនុវត្តយុទ្ធនាការបង្ក្រាបលើសំឡេងរិះគន់ និងសំឡេងឯករាជ្យ។ នេះគឺជាការរកឃើញរបស់អង្គការលើកលែងទោសអន្តរជាតិ (Amnesty International) ដែលមានមូលដ្ឋានធំនៅចក្រភពអង់គ្លេស (United Kingdom)។ សម្រាប់ឆ្នាំ២០២០ អង្គការអន្តរជាតិមួយនេះបានសិក្សា និងវិភាគអំពីស្ថានភាពសិទ្ធិមនុស្សនៅក្នុងប្រទេសចំនួន ១៤៩ រួចចងក្រងជារបាយការណ៍កម្រាស់ជាង ៤រយទំព័រ (៤០៨) ចេញផ្សាយនៅថ្ងៃទី០៦ ខែមេសា។
ប្រភព RFA ៖ https://bit.ly/31T9GCQ
