បទសម្ភាសន៍ជាមួយលោក ទៀ បាញ់ ជុំវិញការអនុញ្ញាតឲ្យចិនអភិវឌ្ឍកំពង់ផែកងទ័ពជើងទឹករាម
រដ្ឋមន្ត្រីការពារជាតិ លោក ទៀ បាញ់ ថ្លែងក្នុងបទសម្ភាសន៍មួយជាមួយ វិទ្យុអាស៊ីសេរី កាលពីថ្ងៃទី៣០ ខែឧសភា ដោយសារភាពថា កម្ពុជាពិតជាបានអនុញ្ញាតឲ្យចិនអភិវឌ្ឍន៍តំបន់កំពង់ផែកងទ័ពជើងទឹករាម ក្រោយវាយកម្ទេចចោលអគារជំនួយអាមេរិកកាលពីឆ្នាំកន្លងទៅប្រាកដមែន។ លោកគូសបញ្ជាក់ថា កម្ពុជាពុំព្រួយបារម្ភរឿងចិនអាចឈ្លបយកការណ៍សម្ងាត់នៅតំបន់នោះ ឬការរិះគន់ណាមួយពីភាគីសហរដ្ឋអាមេរិកជុំវិញការអនុញ្ញាតឲ្យចិនអភិវឌ្ឍន៍កំពង់ផែ កងទ័ពជើងទឹករាមនេះឡើយ។ យ៉ាងណា លោកថា លោកនឹងនិយាយប្រាប់អនុរដ្ឋមន្ត្រីការបរទេសអាមេរិកក្នុងដំណើរទស្សនកិច្ចរបស់អ្នកស្រីមកកាន់កម្ពុជានៅថ្ងៃចន្ទទី១ មិថុនា នេះ ឲ្យជួយផ្តល់ជំនួយដល់ការសាងសង់ទីតាំងថ្មីនៃអគារបញ្ជាការដ្ឋានជួរមុខនៃសន្តិសុខលម្ហសមុទ្រនៅលើកោះព្រាប។
ប្រភព RFA ៖ https://bit.ly/3peJm0P
