លោកស៊ិក ប៊ុនហុក សម្រេចលាឈប់ពីតំណែងជាប្រធានគ.ជ.ប ដោយសារបញ្ហាសុខភាព
គណៈកម្មាធិការអចិន្ត្រៃយ៍នៃរដ្ឋសភា នៅថ្ងៃព្រឹកថ្ងៃសុក្រទី ៤ខែមិថុនានេះ បានបើកកិច្ចប្រជុំសម្រេចលើពាក្យសុំលាឈប់ពីតំណែងប្រធានគណៈកម្មាធិការជាតិរៀបចំការបោះឆ្នោត (គ.ជ.ប) របស់លោកស៊ិក ប៊ុនហុក។ លោកស៊ិក ប៊ុនហុក វ័យ ៧៥ឆ្នាំ បានសម្រេចដាក់ពាក្យលាឈប់ ពីតំណែងប្រធានគ.ជ.ប ក្នុងសប្តាហ៍នេះ ដោយបញ្ហាសុខភាព។ នេះបើតាមការបញ្ជាក់ពីលោកឌឹម សុវណ្ណារ៉ុំ សមាជិក និងជាអ្នកនាំពាក្យគ.ជ.ប ប្រាប់វិទ្យុបារាំងនៅថ្ងៃសុក្រនេះ។ ក្រោយការលាឈប់នេះ រដ្ឋសភា នឹងរៀបចំនីតិវិធីដើម្បីជ្រើសរើសបេក្ខភាពជំនួសតំណែងលោកស៊ិក ប៊ុនហុក។
ប្រភព RFI ៖ https://bit.ly/3cirqNt
Join Telegram : https://t.me/COMFREL
