កូវីដ១៩៖ ព្រះសង្ឃនៅទូទាំងប្រទេសប្រមាណជាង២០០អង្គមានវិជ្ជមានកូវីដ១៩
គិតមកត្រឹមថ្ងៃទី២០ កក្កដានេះ នៅទូទាំងប្រទេសមានព្រះសង្ឃប្រមាណជាង ២០០អង្គហើយ ដែលមានវិជ្ជមានកូវីដ១៩ ក្នុងនោះមាន ២អង្គ បានសុគតដោយជំងឺកូវីដ១៩។ នេះបើតាមការថ្លែងឱ្យដឹងពីលោកសេង សុមុនី រដ្ឋលេខាធិការ និងជាអ្នកនាំពាក្យក្រសួងធម្មការ និងសាសនានៅថ្ងៃអង្គារ ទី២០នេះ។ ការថ្លែងឡើងយ៉ាងដូច្នេះ បន្ទាប់ពីមានករណីវិជ្ជមានកូវីដ១៩កើនឡើងកាន់តែច្រើននៅតាមវត្តក្នុងរាជធានីភ្នំពេញ ដែលមានដូចជា វត្តស្ទឹងមានជ័យ វត្តមហាមន្រ្តី វត្តទួលទំពូង និងវត្តបុទុមវត្តីដែលបានរកឃើញអ្នកឆ្លងកូវីដ១៩ ចំនួន២០អង្គ-នាក់ទៀត។ នៅចំពោះមុខការទប់ស្កាត់ការឆ្លងរាលដាលជំងឺកូវីដ១៩នេះ ក្រសួងធម្មការ និងសាសនា បានកំពុងធ្វើសកម្មភាពអប់រំផ្សព្វផ្សាយពីផលប៉ះពាល់កូវីដ១៩ទៅគ្រប់វត្តទាំងអស់នៅទូទាំងប្រទេស។
ប្រភព RFI ៖ https://bit.ly/3iuKTgg
Join Telegram : https://t.me/COMFREL
