គ.ជ.ប. លុបឈ្មោះបេក្ខជនក្រុមប្រឹក្សាឃុំសង្កាត់គណបក្សភ្លើងទៀន ២០រូប
គណៈកម្មាធិការជាតិរៀបចំការបោះឆ្នោត (គ.ជ.ប.) បានលុបឈ្មោះបេក្ខជនក្រុមប្រឹក្សាឃុំសង្កាត់របស់គណបក្សភ្លើងទៀនចំនួន ២០រូប (៧រូបជាស្ត្រី) ចេញពីបញ្ជីបេក្ខជនដំបូងរបស់បក្សនេះ ដោយអះអាងនូវបញ្ហាមួយចំនួន មានជាអាទិ៍ ភាគច្រើនបេក្ខជនឲ្យគេបំពេញប្រវត្តិរូបជំនួស ដោយខ្លួនមិនចេះអាន និងសរសេរអក្សរខ្មែរ និងបេក្ខជនមិនបានចុះឈ្មោះក្នុងបញ្ជីបោះឆ្នោតក្នុងឃុំ សង្កាត់ដែលខ្លួនមានបំណងឈរឈ្មោះបោះឆ្នោត។ ក្នុងនោះក៏មានបេក្ខជនពីររូបសុំប្ដឹង គ.ជ.ប. ឲ្យលុបឈ្មោះរបស់ខ្លួនចេញពីបញ្ជីបេក្ខជនឈរឈ្មោះបោះឆ្នោតរបស់គណបក្សភ្លើងទៀន។ ក្នុងចំណោមបេក្ខជនទាំង ២០រូប ដែលត្រូវបានលុបឈ្មោះចេញពីបញ្ជីនេះ គឺសុទ្ធតែឈរឈ្មោះនៅភ្នំពេញ លើកលែងបេក្ខជនម្នាក់នៅឃុំជីផាត ស្រុកថ្មបាំង ខេត្តកោះកុង។
ប្រភព RFA៖ https://bit.ly/3N7CbTH
Join Telegram : https://t.me/COMFREL
