មន្ត្រីជាន់ខ្ពស់របស់អង្គការសហប្រជាជាតិទាមទារអោយរដ្ឋាភិបាលកម្ពុជា ដឹកនាំប្រទេស វិលត្រឡប់ទៅរកលទ្ធិប្រជាធិបតេយ្យ សេរីពហុបក្ស
មន្ត្រីជាន់ខ្ពស់របស់អង្គការសហប្រជាជាតិទាមទារអោយរដ្ឋាភិបាលកម្ពុជា ដឹកនាំប្រទេស វិលត្រឡប់ទៅរកលទ្ធិប្រជាធិបតេយ្យ សេរីពហុបក្ស និងធានាឲ្យមានសេរីភាពពេញលេញសម្រាប់សង្គមស៊ីវិល និងអ្នកសារព័ត៌មានអោយដំណើរការឡើងវិញ។ការទាមទារនេះធ្វើឡើងនៅក្នុងឱកាសប្រារព្ធទិវាសិទ្ធិមនុស្សអន្តរជាតិ១០ ធ្នូ។អ្នករាយការណ៍ពិសេសរបស់ អង្គការ ប្រជាជាតិទទួលបន្ទុក សិទ្ធិមនុស្ស នៅកម្ពុជា អ្នកស្រី រូណា ស្មីត (Rona Smith) បានថ្លែង តាមរយៈសេចក្ដីប្រកាសព័ត៌មានរបស់ខ្លួនមួយ កាលពីថ្ងៃទី១១ ធ្នូ អោយដឹងថា អ្នកស្រីមានការព្រួយបារម្ភជាខ្លាំងអំពីការរំលាយគណបក្សសង្គ្រោះជាតិ ការហាមឃាត់សមាជិកគណបក្សសង្គ្រោះជាតិចំនួន១១៨រូប មិនឲ្យធ្វើនយោបាយរយៈពេលប្រាំឆ្នាំ និងការបែងចែកអាសនៈទាំង ៥៥ របស់គណបក្សប្រឆាំងទៅអោយគណបក្សដ៏ទៃទៀត ដែលពលរដ្ឋមិនបានបោះឆ្នោតឲ្យ។
ប្រភព៖RFA
.jpg)