ក្រុមសហជីពនិងសាច់ញាតិរំឭកខួប ១៤ ឆ្នាំនៃការធ្វើឃាតមេដឹកនាំកម្មករលោក ជា វិជ្ជា
ក្រុមសហជីពកម្មករ និងសាច់ញាតិរបស់លោក ជា វិជ្ជា អតីតប្រធានសហជីពសេរីកម្មករ នៅព្រឹកនេះ បានជួបជុំគ្នានៅមុខរូបសំណាក់របស់លោក ដើម្បីធ្វើគោរពវិញ្ញាណក្ខន្ធនិងរំឭកដល់វីរភាពរបស់ប្រធានសហជីពដែលត្រូវបានឃាតករបាញ់សម្លាប់កាលពីព្រឹកថ្ងៃទី២២ ខែមករា ឆ្នាំ ២០០៤។លោក រ៉ុង ឈុន អតីតសមាជិក គ.ជ.ប និងអតីតប្រធានសមាគមគ្រូបង្រៀនឯករាជ្យដែលតំណាងជំនួសលោក ជា មុន្នី បានថ្លែងថា ការប្រារព្ធពិធីនៅឆ្នាំនេះ ក៏មិនខុសពីបណ្តា ឆ្នាំមុនៗ គឺសាលារាជធានីភ្នំពេញបានអនុញ្ញាតឲ្យសហជីពរៀបចំប្រារព្ធខួបដដែល ប៉ុន្តែមិនអនុញ្ញាតឲ្យអ្នកចូលរួមលើសពី ១២០ នាក់ និងអ្នកនយោបាយដែលជាអតីតមន្ត្រីគណបក្សសង្គ្រោះជាតិទាំង១១៨រូប ដែលបានកាត់សិទ្ធិនយោបាយនោះចូលរួមថ្លែងសារអ្វីនោះទេ។ ម្យ៉ាងទៀត ប្រសិនបើមានបញ្ហាអ្វីកើតឡើងត្រូវទទួលខុសត្រូវដោយខ្លួនឯង និងចំពោះមុខច្បាប់។
ប្រភព៖ភ្នំពេញប៉ុស្តិ៍
https://goo.gl/iSwY3E
