Cambodian Voter's Voice

សមត្ថកិច្ចខែត្រក្រចេះបាញ់រះពលរដ្ឋតវ៉ាជម្លោះដីធ្លីស្លាប់៦នាក់និងរបួសច្រើននាក់

2018-03-09 08:13:00 4664 Views

មន្ត្រីស៊ើបអង្កេតនៃសមាគមសិទ្ធិមនុស្ស នៅខែត្រក្រចេះ ឲ្យដឹងនៅថ្ងៃទី៨ មីនា នេះថា ក្រុមសមត្ថកិច្ចចម្រុះបាញ់ពលរដ្ឋតវ៉ាជម្លោះដីធ្លីនៅក្នុងស្រុកស្នួល ខែត្រក្រចេះ ស្លាប់៦នាក់ និងជាង១០នាក់រងរបួស និង៤០នាក់ទៀតត្រូវចាប់ខ្លួន។លោក ប៊ី វ៉ាន់នី មានប្រសាសន៍ថា ព័ត៌មានបឋមដែលលោកទទួលបាន ជម្លោះដីធ្លីនេះកើតឡើងនៅក្រោយពេលអាជ្ញាធរខែត្រក្រចេះ បានទៅដោះស្រាយជម្លោះដីធ្លីជូនក្រុមពលរដ្ឋប្រមាណ ៣០០គ្រួសារ កាលពីថ្ងៃទី៧ មីនា មិនត្រូវរ៉ូវគ្នា ហើយពលរដ្ឋប្រមាណ៤០០នាក់បាននាំគ្នាបិទផ្លូវជាតិលេខ៧៧អា នៅវេលាម៉ោង ៩ព្រឹក រហូតដល់ម៉ោង ១២ថ្ងៃ ក៏មានអំពើហិង្សាផ្ទុះអាវុធ បាញ់រះទៅលើក្រុមប្រជាពលរដ្ឋបិទផ្លូវទាំងនោះ។ លោកបញ្ជាក់ថា សមត្ថកិច្ចចុះបង្ក្រាបនេះ មានទាហានប្រមាណ១៥០នាក់ រួមទាំងនគរបាល និងកងរាជអាវុធជាច្រើនទៀត។

ប្រភព៖RFA

http://bit.ly/2twTTLE