Cambodian Voter's Voice

អ្នកវិភាគថា ទាល់តែដាក់ទណ្ឌកម្មរបបលោក ហ៊ុន សែន ទើបមានដំណោះស្រាយនយោបាយ

2018-08-09 10:16:00 5199 Views

អ្នកវិភាគគោលនយោបាយលើកឡើងថា ទាល់តែដាក់ទណ្ឌកម្មរបបលោក ហ៊ុន សែន ទើបមាន ដំណោះស្រាយនយោបាយ ដែលឈានទៅដោះលែងលោក កឹម សុខា និងស្ដារប្រជាធិបតេយ្យ ឡើងវិញ។

អ្នកជំនាញខាងកិច្ចការទំនាក់ទំនងការទូត និងគោលនយោបាយការបរទេសលោកសាស្ត្រាចារ្យ បណ្ឌិត អៀ សុផល ប្រាប់អាស៊ីសេរីតាមសារអេឡិចត្រូនិច ថា”ជាកិច្ចចាប់ផ្ដើម គឺត្រូវដាក់ទណ្ឌកម្មជាក់លាក់ណាមួយសិន។ សំខាន់បំផុតគឺដាក់ទណ្ឌកម្មផ្នែកពាណិជ្ជកម្ម។ បន្ទាប់មកទៀតគឺកុំទទួលស្គាល់របបលោក ហ៊ុន សែន តាមរយៈការព្យួរអាសនៈកម្ពុជានៅអង្គការសហប្រជាជាតិ”។ លោកបញ្ជាក់បន្ថែមថា ការណ៍គ្រាន់តែចេញសេចក្ដីថ្លែងការណ៍មិនសូវមានប្រសិទ្ធភាពដូចការចាត់វិធានការជាក់ស្ដែងនោះឡើយ។ លោកថា “ធ្វើមានប្រសិទ្ធភាពជាងថា”។

ប្រភព RFA ៖ https://bit.ly/2M7NQpR