Cambodian Voter's Voice

លោក សម រង្ស៊ី ហៅការកោះហៅលោកក្នុងសំណុំរឿងប្រមាថមហាក្សត្រថាជារឿងនយោបាយ

2018-08-24 09:43:00 5246 Views

លោក សម រង្ស៊ី អតីតប្រធានគណបក្សសង្គ្រោះជាតិ ដែលនិរទេសខ្លួនក្រៅប្រទេស បង្ហាញភាពសោះអង្គើយនឹងដីកាកោះឲ្យចូលខ្លួនថ្មីមួយរបស់តុលាការភ្នំពេញ ដោយថា វាជារឿងនយោបាយ។ លោកក៏បានថ្លែងការពារខ្លួនផងដែរថា លោកមិនមានចេតនាប្រមាថព្រះមហាក្សត្រដូចអ្វីដែលបានចោទប្រកាន់មកលើរូបលោកនោះទេ។
«ខ្ញុំមិនអើពើនឹងការកោះហៅពីតុលាការអាយ៉ង នៅទីក្រុងភ្នំពេញទេ ពីព្រោះតុលាការនេះជាឧបករណ៍នយោបាយរបស់ជនផ្តាច់ការ ហ៊ុន សែន។ រឿងដែលលោក ហ៊ុន សែន និងតុលាការអាយ៉ងរបស់គាត់ចោទខ្ញុំថា ខ្ញុំបានប្រមាថមហាក្សត្រនោះ មិនមែនជាការពិតទេ ដោយសារខ្ញុំគ្រាន់តែលើកឡើងថា ព្រះមហាក្សត្រធ្វើអ្វីៗតាមបញ្ជារបស់លោក ហ៊ុន សែន ទាំងអស់ ដែលគាបសង្កត់ និងបំភិតបំភ័យព្រះអង្គជារៀងរាល់ថ្ងៃ។ ដូច្នេះ លោក ហ៊ុន សែន ទេ ដែលប្រមាថព្រះមហាក្សត្រ ហើយគាត់មិនត្រឹមតែប្រមាថព្រះអង្គទេ តែគាត់ញាំញីព្រះអង្គ ដោយចាប់ព្រះអង្គធ្វើជាចំណាប់ខ្មាំងរបស់គាត់»។

ប្រភព VOA ៖https://bit.ly/2BIB8sV