Cambodian Voter's Voice

តុលាការកោះហៅលោក គឹម សុខ ចូលបំភ្លឺ នៅថ្ងៃទី១៤ កញ្ញា

2018-09-03 16:14:00 5102 Views

តុលាការចេញដីកាកោះលោក គឹម សុខ អ្នកវិភាគនយោបាយ ឲ្យចូលបំភ្លឺជុំវិញបទចោទ«បរិហាកេរ្តិ៍ជាសាធារណៈ និងញុងញង់ឲ្យប្រព្រឹត្តបទឧក្រិដ្ឋជាអាទិ៍» នៅថ្ងៃទី១៤ កញ្ញា ខាងមុខ។ ដីកាកោះហៅនេះ ធ្វើឡើងក្រោយពីអ្នកវិភាគរូបនេះ នៅបន្តការរិះគន់ឥសំចៃមាត់ទៅលើរដ្ឋាភិបាល ក្រោយចេញពីពន្ធនាគារកាលពីថ្ងៃទី១៧ សីហាកន្លងមក។ចៅក្រមស៊ើបសួរសាលាដំបូងរាជធានីភ្នំពេញលោក លាង សំណាក់ បានបញ្ជាក់ថា លោក គឹម សុខ ជាប់បទចោទ«បរិហាកេរ្តិ៍ជាសាធារណៈ និងញុងញង់ឲ្យប្រព្រឹត្តបទឧក្រិដ្ឋជាអាទិ៍» ដែលបានប្រព្រឹត្តនៅរាជធានីភ្នំពេញ កាលពីថ្ងៃទី១៣ កុម្ភៈ ឆ្នាំ២០១៧ តាមបញ្ញត្តិមាត្រា៣០៥ មាត្រា៤៩៤ និងមាត្រា៤៩៥ នៃក្រមព្រហ្មទណ្ឌ។ ក្នុងករណីលោក គឹម សុខ មិនចូលខ្លួនតាមការកំណត់ខាងលើទេ តុលាការនឹងចេញដីកាបង្គាប់ឲ្យនាំខ្លួន។ នេះបើតាមលិខិតតុលាការចុះថ្ងៃទី២៨ សីហា។

ប្រភព ថ្មីៗ ៖ https://bit.ly/2LSLeae