Cambodian Voter's Voice

មន្ត្រីទូតប្រទេសប្រជាធិបតេយ្យធំៗនឹងមិនចូលរួមកិច្ចប្រជុំលើកដំបូងនៃរដ្ឋសភាអាណត្តិថ្មី

2018-09-05 09:36:00 5166 Views

បន្ទាប់ពីប្រកាសមិនទទួលស្គាល់លទ្ធផលនៃការបោះឆ្នោតជ្រើសតាំងតំណាងរាស្រ្តអាណត្តិទី៦ ឯកអគ្គរដ្ឋទូតនៃប្រទេសកាន់លទ្ធិប្រជាធិបតេយ្យធំៗចំនួន៤ ប្រកាសមិនចូលរួមកិច្ចប្រជុំលើកដំបូងនៃអាណត្តិថ្មីរបស់រដ្ឋសភាកម្ពុជា ដែលគ្រោងនឹងធ្វើឡើងនៅថ្ងៃពុធស្អែក។ក្រោយលទ្ធផលបោះឆ្នោតដែលបង្ហាញថា គណបក្សកាន់អំណាចរបស់លោកនាយករដ្ឋមន្រ្តី ហ៊ុន សែន នឹងដឹកនាំរដ្ឋសភា និងរដ្ឋាភិបាលដោយឯកបក្ស គេឃើញបណ្តាប្រទេសកាន់លទ្ធិប្រជាធិបតេយ្យធំៗមួយចំនួនបានរិះគន់ការបោះឆ្នោត និងបានច្រានចោលលទ្ធផលនៃការបោះឆ្នោតនេះ ថាជាការធ្វើឡើងខុសពីឆន្ទៈរបស់ប្រជាពលរដ្ឋ។ សហរដ្ឋអាមេរិក អូស្ត្រាលី កាណាដា អាល្លឺម៉ង់ និងសហភាពអឺរ៉ុបជាដើម បានចោទសួរអំពីការបោះឆ្នោតដែលបានកើតមាន ជាមួយនឹងការរំលាយគណបក្សសង្គ្រោះជាតិ និងការបង្ក្រាបអង្គការសង្គមស៊ីវិល ព្រមទាំងការបង្ក្រាបប្រព័ន្ធផ្សព្វផ្សាយឯករាជ្យនានា នៅមុនការបោះឆ្នោត។

ប្រភព VOA ៖ https://bit.ly/2Q5d7z6