Cambodian Voter's Voice

លោក ហ៊ុន សែន ប្រកាសបើកទីផ្សារកម្ពុជា សម្រាប់វិនិយោគិនចិន

2018-09-12 15:50:00 5220 Views

អំឡុងពេលស្នាក់នៅក្នុងប្រទេសចិន លោក ហ៊ុន សែន បានប្រកាសបើកទីផ្សារកម្ពុជាសម្រាប់ការវិនិយោគរបស់ចិន នៅចំពោះមុខតំណាងក្រុមហ៊ុនចិនធំៗចំនួន៨ នៅថ្ងៃទី១១ខែកញ្ញា ម្សិលមិញ។ បន្ថែមពីលើការប្រកាសគៀងគរអ្នកវិនិយោគចិនឲ្យមកដាក់ទុននៅកម្ពុជា លោក ហ៊ុន សែន ក៏បានអះអាងពីការរក្សាកុងត្រាចាស់ជាមួយក្រុមហ៊ុនចិនចំនួន៦ ដែលកំពុងតែប្រតិបត្តិការនៅកម្ពុជាផងដែរ។

ការប្រកាសបើកចំហរទីផ្សារសម្រាប់ការវិនិយោគរបស់ចិន ធ្វើឡើងនៅក្នុងជំនួបដាច់ដោយឡែករវាង លោក ហ៊ុន សែន ប្រមុខរដ្ឋាភិបាលកម្ពុជា ជាមួយក្រុមហ៊ុនចិនចំនួន៨ ដែលជំនួបនេះធ្វើឡើងនៅក្រៅកិច្ចប្រជុំ ពិព័រណ៌ចិន-អាស៊ាន និងវេទិកាធុរកិច្ចចិន-អាស៊ាន។ ក្រុមហ៊ុនចិន ដែលលោក ហ៊ុន សែន បានជួបពិភាក្សានេះ ភាគច្រើនបានដាក់ទុនវិនិយោគនៅកម្ពុជាអស់រយៈពេលជាង១០ឆ្នាំមកហើយ លើវិស័យកសិកម្ម កំពង់ផែ ថាមពល និងវារីអគ្គីសនីជាដើម។

ប្រភព RFI ៖ https://bit.ly/2CO2a2s