Cambodian Voter's Voice

លោក ហ៊ុន សែន គ្រោងជួបពិភាក្សាជាមួយនាយករដ្ឋមន្ត្រីជប៉ុននៅសប្ដាហ៍ក្រោយ

2018-10-05 09:53:00 5075 Views

មេដឹកនាំរបបក្រុងភ្នំពេញ លោក ហ៊ុន សែន គ្រោងនឹងជួបពិភាក្សាជាមួយនាយករដ្ឋមន្ត្រីជប៉ុន លោក ស៊ីនហ្សូ អាបេ (Shinzo Abe) ដើម្បីពិភាក្សាអំពីបញ្ហាមួយចំនួនពាក់ព័ន្ធនឹងកិច្ចសហប្រតិបត្តិការរវាងប្រទេសទាំងពីរ ក្រោយពីចូលរួមកិច្ចប្រជុំកំពូលមេគង្គ -ជប៉ុនលើកទី១០នៅសប្ដាហ៍ក្រោយ រយៈពេល៤ថ្ងៃ ចាប់ពីថ្ងៃទី៦ ដល់ថ្ងៃទី១០ ខែតុលា នៅទីក្រុងតូក្យូ ប្រទេសជប៉ុន។

ពាក់ព័ន្ធនឹងវត្តមានរបស់លោក ហ៊ុន សែន ក្នុងប្រទេសជប៉ុននេះដែរ ក្រុមពលរដ្ឋខ្មែរដែលនិយមប្រជាធិបតេយ្យ និងក្រុមសកម្មជនបក្សប្រឆាំង គ្រោងធ្វើមហាបាតុកម្មប្រឆាំងវត្តមានរបស់លោក ហ៊ុន សែន ក្នុងទឹកដីប្រទេសជប៉ុន នៅថ្ងៃទី០៧ ខែតុលា ក្នុងទីក្រុងតូក្យូ។

ប្រភព RFA ៖ https://bit.ly/2BUilcx