Cambodian Voter's Voice

ខ្មែរ | ព័ត៌មានថ្មីៗ | នយោបាយ មន្រ្តីបក្សប្រឆាំង៖ របបលោក ហ៊ុន សែន មិនអាចកុហកអន្តរជាតិ រឿងបំផ្លាញប្រជាធិបតេយ្យ

2018-10-20 09:40:00 5227 Views

អនុប្រធានគណបក្សសង្គ្រោះជាតិលោក អេង ឆៃអ៊ាង ក្រើនរម្លឹករបបលោក ហ៊ុន សែន រៀនសូត្រតាមសុភាសិតខ្មែរ ពាក់ព័ន្ធនឹងវិបត្តិនយោបាយដ៏ធំ ដែលកំពុងនាំប្រទេសកម្ពុជា ទៅរកមាត់ជ្រោះនៃមហន្តរាយ ទាំងផ្នែកសេដ្ឋកិច្ច និងទំនាក់ទំនងអន្តរជាតិ។ លោកបន្តថា រឿងរ៉ាវដែលជាការពិត ស្តីពីការរំលោភសិទ្ធិតំណាងរាស្រ្ត និងការរំលោភសិទ្ធិមនុស្សជាទូទៅរបស់របបលោក ហ៊ុន សែន និងពីសំណាក់សភាឯកបក្សរបស់របបនេះ មិនអាចបាំងភ្នែកសហគមន៍អន្តរជាតិបាននោះទេ៖ «ព្រះអាទិត្យទោះបីជាវានៅឆ្ងាយពីផែនដី ក៏វាធំ ហើយវាបំភ្លឺភពផែនដីទាំងមូលបាន។ ដូច្នេះ គ្មាននរណាអាចយកបាតដៃទៅបាំងព្រះអាទិត្យបានទេ។ នោះជាសុភាសិតខ្មែរមួយ។ ម្យ៉ាងទៀត ដំរីស្លាប់ មិនអាចយកចង្អេរទៅបាំងជិតទេ ព្រោះចង្អេរធំប៉ុនណា ក៏មិនអាចបាំងខ្មោចដំរីបានដែរ»។

ប្រភព RFA៖ https://bit.ly/2NQW29N