Cambodian Voter's Voice

ហ្វេសប៊ុកបញ្ជាក់បញ្ចប់ក្ដីមន្ទិលដែលគេសង្ស័យថា លោកនាយករដ្ឋ ហ៊ុន សែន ប្រឌិតរឿងHacker

2019-03-01 16:53:00 4679 Views

ឆ្លើយតបនឹងសំណួររបស់អាស៊ីសេរី ថាតើអំពីទំព័រហ្វេសប៊ុក (Facebook) របស់លោក ហ៊ុន សែន ពិតជាត្រូវបានជនអនាមិក ឬក្រុមចោរព័ត៌មានវិទ្យា (Hackers) លួចយកទៅកាន់កាប់ជាបណ្ដោះអាសន្ន កាលពីថ្ងៃទី២៥ កុម្ភៈ មែនឬយ៉ាងណានោះ ក្រុមហ៊ុនហ្វេសប៊ុក ឆ្លើយបញ្ជាក់មកអាស៊ីសេរីនៅថ្ងៃ២៨ កុម្ភៈ នេះថា ទំព័រហ្វេសប៊ុករបស់លោក ហ៊ុន សែន ពិតជាមានគេចូលលួចកាន់កាប់មែន។ មន្ត្រីព័ត៌មានរបស់ក្រុមហ៊ុនហ្វេសប៊ុក បានបញ្ជាក់ថា ក្រុមហ៊ុន Facebook ក៏បានធ្វើការជាមួយក្រុមការងារគ្រប់គ្រងទំព័រហ្វេសប៊ុកផ្លូវការរបស់លោក ហ៊ុន សែន ដើម្បីជួយពួកគេឱ្យមានលទ្ធភាពអាចមកគ្រប់គ្រងទំព័រហ្វេសប៊ុករបស់លោក ហ៊ុន សែន ឡើងវិញបានដោយជោគជ័យ។ ការបញ្ជាក់ពីក្រុមហ៊ុនហ្វេសប៊ុក នេះ គឺជាការបញ្ចប់ក្ដីមន្ទិលមួយចំនួនពីសំណាក់ក្រុមអ្នកប្រើប្រាស់បណ្ដាញសង្គមដែលសង្ស័យថា ករណីលោក ហ៊ុន សែន ប្រកាសថា ទំព័រហ្វេសប៊ុកផ្លូវការរបស់លោក ត្រូវជនអនាមិកលួចដណ្ដើមយកទៅគ្រប់គ្រងនេះ គឺជាការប្រឌិតរបស់លោក ហ៊ុន សែន។

ប្រភពRFA៖ https://bit.ly/2tLwVxw