Cambodian Voter's Voice

មន្ត្រីបក្សប្រឆាំងថា ការសុំសិទ្ធិធ្វើនយោបាយជាសិទ្ធិបុគ្គល តែត្រូវគិតពីការលះបង់របស់ប្រធានបក្សនេះ

2019-03-06 15:40:00 4703 Views

មន្ត្រីបក្សប្រឆាំង ថា ការសុំសិទ្ធិធ្វើនយោបាយជាសិទ្ធិបុគ្គល ប៉ុន្តែ ត្រូវគិតពីគុណធម៌ ដល់ការលះបង់របស់ប្រធានបក្សនេះ។ មន្ត្រីជាន់ខ្ពស់គណបក្សសង្គ្រោះជាតិ លោក ហ៊ីង សុខសាន្ត ដែលកំពុងនិរទេសខ្លួននៅក្រៅប្រទេស និងស្ថិតក្នុងចំណោមមន្ត្រីទាំង ១១៨ រូបដែលហាមឃាត់សិទ្ធិនយោបាយដែរនោះ ថា មន្ត្រីបក្សសង្គ្រោះជាតិទាំងអស់ គួរពិចារណាឱ្យបានល្អិតល្អន់ ជាពិសេសត្រូវយកប្រយោជន៍រួមរបស់បក្សជាធំ មុននឹងសម្រេចសុំសិទ្ធិធ្វើនយោបាយនេះ៖ «បើយើងជាអ្នកប្រជាធិបតេយ្យ ជំហានដំបូង ត្រូវគិតពីគុណធម៌ ថាតើយើងជាមន្ត្រីថ្នាក់ក្រោម ហើយខណៈប្រធានគណបក្សរបស់យើង មិនទាន់មានសេរីភាពពេញលេញ ហើយយើងនៅថ្នាក់ក្រោមគាត់ យើងចង់បានសេរីភាព ឬសិទ្ធិធ្វើនយោបាយហ្នឹងមុនគាត់ មានន័យថា បើយើងគិតពីគុណធម៌ គឺអត់មានគុណធម៌ទេ គឺអគុណធម៌ចំពោះប្រធានរបស់ខ្លួន ព្រោះគិតពីប្រយោជន៍សួនតួ ជាងប្រយោជន៍របស់គណបក្សទៅវិញ។ កាន់តែអគុណធម៌ជាងនេះទៀត គឺមិនបានគិត អំពីប្រធានខ្លួនឯងខំលះបង់ដើម្បីប្រយោជន៍គណបក្ស»។

ប្រភពRFA៖ https://bit.ly/2Hij7CA